Die polisie in Noordwes het vyf verdagtes in hegtenis geneem wat glo beplan het om ʼn kitsbank op te blaas.
Volgens lt.kol. Amanda Funani, woordvoerder van die polisie, is daar inligting ontvang dat ʼn kitsbank in Marikana opgeblaas gaan word. Die polisie het op die inligting reageer en op vyf verdagtes in Bapong naby Mooinooi toegeslaan.
Daar is op twee voertuie, ʼn Toyota Avanza en ʼn Ford Ranger-bakkie, beslag gelê. Volgens Funani is daar drie vuurwapens, ammunisie, ploftoestelle en toerusting vir huisbrake in die verdagtes se besit gevind.
Die verdagtes, tussen 35 en 52 jaar oud, sal na verwagting Maandag in die Brits-landdroshof verskyn op aanklagte van sameswering om ʼn misdaad te pleeg en die onwettige besit van vuurwapens, ammunisie en plofstof.
Volgens Funani het voorlopige ondersoek bepaal dat die bakkie in Desember tydens ʼn kaping in Bedfordview gesteel is. Die ondersoek duur voort.
Baie goeie werk SAPS.
Mooi so SAPS
Vir Afrikaners en ander Afrikaanssprekendes bied die VF+ n goeie tuiste. Die DA sal nêrens sonder die VF+ as alliansie vennoot hond haaraf maak nie. Pieter van Bethlehem
Sal seker weer op Borgtborgtog vrygelaat word!!!
Baie geluk SAPD.So jammer die howe en ANC werk teen julle. Oormore weer uit op borg. Plaas moordenaars (onwettige immigrante) word dan op R500 borg vrygelaat.