Vyf vas wat glo Mpumalanga-boer wou vermoor

Argieffoto: SAPD

Argieffoto: SAPD

Vyf mans is Donderdag in die vroeë oggendure in die Bethal-omgewing naby Secunda in hegtenis geneem nadat hulle glo beplan het om ʼn plaaslike boer, wat hulle sy grond belet het, te vermoor.

Kapt. Dineo Lucy Sekgotodi, woordvoerder van die Valke in Mpumalanga, het aan Maroela Media gesê die inhegtenisneming volg ná ʼn gesamentlike poging deur die Valke, die Secunda-polisie se georganiseerde misdaadeenheid, SANEB, CIG Secunda en ander betrokkenes.

“Die vyf verdagtes, tussen 33 en 48 jaar oud, is omstreeks 02:00 by hul onderskeie wonings in hegtenis geneem op aanklag van sameswering tot moord,” het Sekgotodi gesê.

“Die verdagtes het na bewering op ʼn wit boer se plaas gewoon. Die boer het hulle later versoek om van sy grond af te trek en die verdagtes het geweier. ʼn Hofbevel is later teen hulle uitgereik.”

Volgens Sekgotodi het die groep glo in 2016 beplan om die boer te vermoor. Die boer het hiervan te hore gekom en ʼn saak by die polisie aanhangig gemaak.

“Die mans is ná verdere ondersoek in hegtenis geneem. Tydens die inhegtenisnemings is ʼn ongelisensieerde vuurwapen, waarvan die reeksnommer afgevyl is, in die 33-jarige man se besit gevind. Daar word vermoed dat dit die wapen is waarmee die groep beplan het om die boer te vermoor.”

Die 33-jarige man het reeds Donderdag in die Vosman-landdroshof verskyn op aanklag van die besit van ʼn ongelisensieerde vuurwapen. Al vyf verdagtes sal na verwagting Vrydag in die Bethal-landdroshof verskyn op aanklag van sameswering tot moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Nico

Hy gaan geen noemenswaardige regsgevolge dra. Maak met plaasmoorde soos met dronkbestuur : konsepte vir bylaag 6 misdryf.

Pik

As hulle nie more uit is nie kan my ouma n non wees

G

Daar word genoem dat dit ‘n wit boer is, maar die wat gearresteer is, word net verdagtes genoem? Let’s call a spade, a spade sodat die res van die wêreld kan sien hoe ons witnasie uitgemoor word. Huidiglik word verkondig dat dit die swartes is wat onderdruk word en wat aan rassisme blootgestel word die hele tyd, intussen maak die media dit maklik vir die regering om daai wanpersepsies die wêreld in te stuur.

TM

Dit sou goeie nuus gewees het as ons geweet het hulle sal agter tralies bly, maar teen volgende week loop hulle weer vry met ‘n waarskuwing. As ek die boer is sal ek myself en my huis begin beveilig.

Izak

DIE PERSVERKLARING VAN DIE OWERHEDE MOES KLEM GELÊ HET OP Ń SAMESWERING OM Ń RASSEHAAT MOORD TE PLEEG…..
DIE #BOERELEGIOEN MOET ONTPLOOI NA DIE HOWE OM TE EIS DAT DIE OWERHEID RASSE MOORDE VEROORDEEL