(Argieffoto ter illustrasie: Maroela Media)
Vyf beweerde misdadigers is Dinsdag aangekeer nadat verskeie huisrooftogte en plaasaanvalle in die omgewing van Warden in die Vrystaat aangemeld is.
“Die polisie se taktiese reaksie-eenheid het talle klagte van huisrooftogte wat vooraf beplan blyk te gewees het opgevolg. Volgens inligting wat die polisie ontvang het, was ʼn sindikaat besig om rooftogte by huise en plase in die omgewing uit te voer,” het Motantsi Makhele, woordvoerder van polisie in die Vrystaat in ʼn verklaring gesê.
Die verdagtes wat gister in hegtenis geneem is, word onder meer verbind met ʼn voorval in April vanjaar toe eiendom en kontant ter waarde van R600 000 gesteel is.
Volgens Makhele sal die verdagtes eersdaags in die landdroshof op Warden verskyn op aanklag van huisroof, huisbraak en diefstal.
Hoe het hulle geweet van die groot hoeveelheid geld in die huis.Bly hulle is gearresteer.
Een van die dae gaan ons nie meer lees oor plaasaanvalle of moorde nie, want dan is daar nie meer enige boere oor nie… dis die waarheid. Jammer
Abraham ek het nog nooit sulke waar woorde gehoor nie
Is daardie foto by die berig reg?
Lees die byskrif by die foto
Vuilgoed!
Die aanvallers is georganiseer soos die terroriste van ouds en ek glo hulle kry opleiding van die ontbinde mk want dis n maklike manier om geld telefone en vuurwapens te bekom en sommer n paar van die vyand dood te maak.