Argieffoto
ʼn Brand het Maandagoggend by ʼn winkel in Johannesburg se middestad uitgebreek en vinnig na vier ander winkels versprei.
Robert Mulaudzi, ʼn woordvoerder van die stad se nooddienste, het gesê niemand was in die winkels nie. “Brandbestryders is steeds op die toneel om die brand te blus,” het Mulaudzi gesê.
Die oorsaak van die brand, wat omstreeks 06:00 aangemeld is, is nog nie bekend nie.
Die vyf winkels is langs Bree- en Mooistraat geleë.
Superintendent Wayne Minnaar, woordvoerder van die stad se metropolisie, het gesê verkeer in die gebied word herlei. Hy het gesê die brand het groot skade aangerig. – SAPA
