W-Kaap-ANC móét kongres skuif weens borgskapkwessie

Die ANC in die Wes-Kaap se leierskorps. Foto: ANA

Die ANC in die Wes-Kaap se leierskorps. Foto: ANA

Die ANC in die Wes-Kaap moes ter elfder uur die lokaal vir sy provinsiale kongres skuif weens ʼn gebrek aan borgskappe.

Die party kon nie bekostig om die kongres by die Kaapstadse Internasionale Konferensiesentrum te hou nie. “Die ANC is ʼn NRO [nieregeringsorganisasie]. Ons maak staat op die vrygewigheid van borgskappe,” het Songezo Mjongile, uittredende provinsiale sekretaris, gesê.

“Toe ons 48 uur voor die kongres gesien het die borgskap gaan nie deurkom nie, moes ons na plan B draai.” Die ANC se “plan B” is die Kaapse Skiereiland Universiteit vir Tegnologie (CPUT) se sportkompleks in Bellville.

Die kongres het Saterdag traag afgeskop nadat daar ʼn vertraging van sowat drie uur was. Dit was glo weens ʼn uitdaging met die akkreditasieproses.

Die kongres, wat Vrydag afgeskop het, sal tot Sondag voortgaan met ʼn nuwe provinsiale uitvoerende komitee wat verkies sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
KarooKlong

Ek byt moeilik aan die een: die anc is ‘n nro. ?????

Phillip Fourie

Dis hoe dinge mos gebeur. Wanneer die borge weier om die ANC te steun, is die skrif aan die muur. Ons hoop net die blinde volgelinge van hierdie siek party is bereid om die skille van hul oge verwyder!

KarooKlong

Goeie more Peet.