Pres. Jacob Zuma het adv. Gerhard Visagie aangestel as waarnemende hoof van die spesiale ondersoekeenheid (SOE).
“Adv. Visagie is die uitvoerende bestuurder van regsdienste by die SOE en is al sedert 1997 in diens van die instelling,” het Mac Maharaj, woordvoerder van die presidensie, gesê.
Visagie se aanstelling volg nadat Vas Soni as hoof van die SOE bedank het. Soni het om persoonlike redes bedank weens die swak gesondheid van sy vrou, Anitha.
Soni is in September 2013 deur Zuma aangestel.