Waarnemende voorsitter vir Eskom

Prof. Malegapuru William Makgoba (Foto: Twitter)

Prof. Malegapuru William Makgoba is pas aangestel as die tussentydse voorsitter van Eskom ná die onlangse bedanking van Jabu Mabuza.

Mabuza het Vrydag onverwags sy bedanking ingedien nadat hy gesê het hy kon nie daarin slaag om sy verbintenis tot pres. Cyril Ramaphosa en Suid-Afrikaners na te kom nie, naamlik dat die land nié tussen 11 Desember en 13 Januarie beurtkrag sou ondervind nie.

Die departement van openbare werke het Woensdag in ʼn verklaring gesê sy nuwe aanstelling, Makgoba, is ʼn toonaangewende wetenskaplike en akademikus wat hom in 2018 by die direksie van Eskom aangesluit het as nie-uitvoerende direkteur.

Luidens die verklaring stem Makgoba se aanstelling as tussentydse voorsitter ooreen met die regering se verbintenis tot goeie bestuur en die stabiliteit van Eskom.

“Die regering gaan tans deur die proses om ʼn hersaamgestelde raad in ooreenstemming met pres. Cyril Ramaphosa se aankondiging Vrydag aan te stel,” sê die kragvoorsiener.

Dít volg nadat Ramaphosa Vrydag die regering se plan aangekondig het om ʼn hersaamgestelde Eskom-direksie aan te stel wat lede met ondervinding in elektrisiteit, ingenieurswese en korporatiewe bestuur insluit.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Karlahari

Ons vetrou die man en sy span gaan die krag hê om Eksdom aan die gang te hou….

John

Vertel ons meer oor die vermaarde akademikus. Ons sou graag wou hoop op ‘n kopaangewende wetenskaplike eerder as ‘n toonaangewende… want van laasgenoemde groep is daar oorgenoeg by Eskom.

Marius

Weet nie wat gaan ons doen die mense wat die werk kon doen sal nooit teruggaan na die gemors en hulle weet dit.

Genieve

En so word hulle stuk vir stuk aangestel maar eintlik kan niemand die werk doen nie teleurstellend SA.

Maljan

Nog leë sakke wat gevul moet word.
Al wat gaan werk is as ALMAL betaal. Een kW , een prys! Of jy 10 koop in Zebediela of 10 000 in Zeerust.