Waarskuwing oor gevaarlike seetoestande aan kus

Argieffoto

Argieffoto

Die Nasionale Seereddingsinstituut (NSRI) het mense versoek om uiters versigtig te wees die naweek weens gevaarlike seetoestande aan die kuslyn.

Volgens Craig Lambinon, woordvoerder van die NSRI, word stormsterk winde, rowwe seetoestande en groot branders verwag. Hy het gesê dit sal gepaard gaan met die volmaan-springgety wat ook gevaarlike seetoestande tot gevolg sal hê.

Lambinon het gesê die Suid-Afrikaanse Weerdiens het ook waarskuwings uitgereik oor rowwe seetoestande en storms wat met sterk winde gepaard sal gaan. Volgens Lambinon kom springgety twee keer elke maand voor en veroorsaak dit ʼn abnormale hoog- en laaggety sowel as sterker sleurstrome.

Die NSRI het mense gewaarsku om uiters versigtig te wees en eerder net die see te besoek indien dit noodsaaklik is. “Vissermane aan die kus moet veral versigtig wees vir getye en branders wat hulle onkant kan vang.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Cherokee ·

Dankie vir die waarskuwing. Die see lyk steeds soos ‘n groot plaasdam; nie eens branders maar bloot golwe, duinings. Miskien stilte voor die storm, maar dit is nou 13:30 en die see is uiters kalm.

Francis ·

tot wanneer word dit voorspel en sluit dit Margate – scotsburg in ? dankie

Bernice ·

Dankievir die waatskuwing. Die wind het in die vroeë oggendure, so 3 uur se kant opgekom. Al was ditbewolk buite kon jy omtrent sit en boeklees in die helder naglig. Dit is nou so 10 uur se kant in die oggend. Die wolkies het weggewaai. Golwe is hoog hier vanaf ons uitkykpunt in Hibberdene. Sterk rukwinde, werklik onplesierig en die luggie is koelerig. Lekker dag verder mense.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.