Weather SA het Maandag gewaarsku dat swaar reën vir die volgende twee dae in verskeie provinsies verwag kan word wat moontlik tot kitsvloede kan lei.
“Swaar reën met die moontlikheid van kitsvloede kan Maandag in die Vrystaat, Noordwes en Wes-Kaap voorkom,” het Madimetja Thema, weervoorspeller, gesê.
Gauteng kan Maandagaand en Dinsdagoggend ook kitsvloede ervaar.
“Die swaar reën gaan teen Dinsdag na die Oos-Kaap versprei en behoort teen Dinsdagaand op te klaar,” het Thema bygevoeg.