(Argieffoto: Tracey Adams/ANA)
Hoewel geen beurtkrag Donderdag verwag word nie, sê Eskom die moontlikheid daarvan is groter weens die verlies aan bykomende opwekkingseenhede.
Die kragvoorsiener het Woensdagaand in ’n verklaring gesê sekere eenhede sal vandag (Donderdag) aan die stelsel onttrek word vir noodsaaklike instandhoudingswerk.
Luidens die verklaring bly die stelsel onder druk en kwesbaar. Eskom sou wel van sy noodreserwes deur die nag gebruik het om voorraad aan te vul.
Onbeplande kragonderbrekings het Woensdag teen 17:30 op 11 773 MW gestaan met geskeduleerde instandhoudingswerk op 4 602 MW.
Eskom wys weereens daarop dat ’n moontlikheid van beurtkrag weens noodsaaklike instandhoudingswerk oor die volgende 18 maande bestaan.
Jip, Ons word voorberei vir beurtkrag die naweek!!
Is dit nie nou al 17 of 16 maande nie? Of is elke nuwe maand weer die begin van die 18 maande?
ken jy die telvermoeie van die regering en president? ;)
Gee vir hul n telraam wat nie hoef met krag te werk nie
Loof ons Here vir sonenergie!!!!!!!!
Nee nie instandhouding nie . Plunder… dis wat dit is .
LOL… Op ‘n ligter noot… Die dame in die foto kon haar kos in die mikrogolf gaar gemaak het. Sy liggie skyn nog helder.
Het jou Katvis! Dis gewoonlik sulke klein details wat ‘n goeie storie sink.