ʼn Veiligheidswag by ʼn kerk in Qwaqwa in die Vrystaat het ʼn gedeelte van ʼn vermeende inbreker se neus afgebyt.
AO Mmako Mophiring, woordvoerder van die polisie, het gesê die voorval het Saterdag in die vroeë oggendure plaasgevind.
“Die veiligheidswag was aan diens toe hy twee verdagtes betrap het terwyl hulle by die kerk probeer inbreek het. Een het hom getakel en hulle het in ʼn geveg betrokke geraak terwyl die verdagte op die kerk se sleutels aangedring het.”
Volgens Mophiring het die veiligheidswag die verdagte aan die neus gebyt en in die proses ʼn stuk van sy neus afgebyt wat later op die toneel gevind is. Die man het die veiligheidswag se vinger gebyt, maar was in erge pyn en hy en sy makker het van die toneel gevlug.
Die polisie ondersoek ʼn saak van besigheidsroof en enigiemand met inligting word versoek om die Phuthaditjhaba-polisiestasie by 058 718 0895/6/7 te bel.
Well Done!!!!
BYT HOM BENNIE !!!!
Sy inbraak loopbaan is nou neusie verby!
Hy gaan sukkel om daai besering weg te steek…
Mooi so. Hou ‘n stukkie van sy DNA op die toneel.
Nou kan hy sy neus in sy eie sak steek….
Ds nou van “steek jou neus in waar dit nie hoort nie”????????????????
Dai wag moet n die wagte leer hoe byt jy raak
Gee daai man ‘n Bell!!!!!
Toe het die wag hom aan die neus gelei. :-D
Well done meer sulke mense nodig.
Goeie werk.Hierdie wag het nie net blaf nie…..
Klem in die kaak!
????
Hoop nie die inbreker het verkoue gehad nie !!
Aww, gesiggies wys nie meer nie… Wel, ek het kliphard gelag.