Wat het jy teen wittes? wil LP by Zuma weet

Pieter Groenewald. Foto: Twitter

Pieter Groenewald. Foto: Twitter

Pieter Groenewald, leier van die VF Plus, het pres. Jacob Zuma Woensdag prontuit gevra wat sy probleem met wit mense is.

“Agbare president, wat het jy teen wit mense in Suid-Afrika? Elke keer dat iets fout gaan, blameer jy die wit mense van Suid-Afrika,” het Groenewald in sy passievolle toespraak gesê as deel van die parlementêre debat oor Zuma se staatsrede-toespraak.

“Jy gebruik die wit mense van Suid-Afrika as ʼn rookskerm om jou eie onvermoë en onbevoegdhede weg te steek.”

Groot dele van Groenewald se toespraak is deur die geskree van die regerende party se LP’s uitgedoof, veral toe Groenewald Zuma se pogings tot “radikale ekonomiese transformasie” en beleidstellings om swart mense te bevoordeel, gekritiseer het deur te sê dit sal die land bankrot maak.

“As jy ekonomiese groei wil hê om werksgeleenthede te skep, plaas ʼn moratorium op swart ekonomiese bemagtiging en regstellende aksie, dan sal jy die groei kry,” het hy gesê tot groot verontwaardiging van die LP’s in die ANC-banke.

Chaos het verlede week by die staatsrede uitgebreek toe die parlementêre veiligheidsbeamptes letterlik in ʼn vuisgeveg met LP’s betrokke geraak het nadat hulle die verrigtinge ontwrig het. Nadat die EFF-LP’s met geweld uit die parlement verwyder is en LP’s van ander opposisiepartye vrywillig die parlement verlaat het, het Zuma uiteindelik sy toespraak met ʼn geamuseerde kekkellaggie begin.

Pres. Jacob Zuma tydens sy staatsrede op 9 Februarie 2017 (Foto: Ngizozo Jiyane, GCIS)

Pres. Jacob Zuma tydens sy staatsrede op 9 Februarie 2017 (Foto: Ngizozo Jiyane, GCIS)

Alana Bailey, adjunk uitvoerende hoof van AfriForum, het na afloop van die staatsrede gesê Zuma stook vure van rassepolarisasie terwyl hy lag. Sy het Zuma ook gekritiseer dat hy weereens wit kapitaal die sondebok vir die tekort aan ekonomiese groei in die land wil maak.

Die VF Plus se reaksie op die staatsrede het hierdie siening herhaal deur te sê Zuma se fokus op wit mense asof hulle die ekonomie beheer, steeds die topposte beklee en steeds meer verdien as swartes, is “niks anders nie as ʼn rassistiese aanval op wit mense nie”.

“Dit is jammer dat soveel struikelblokke in wittes se pad geplaas word, aangesien hulle graag ʼn bydrae wil lewer om die ekonomie te laat groei en werk te skep,” het Groenewald in die verklaring gesê. “Al wat pres. Zuma in sy staatsrede gesê het oor die sogenaamde radikale ekonomiese transformasie, is die besluite wat die ANC in Januarie by sy bosberaad geneem het, wat dit duidelik maak dat die ANC se belange eerste gestel word en nie die land s’n nie.”

Zuma sal vanmiddag in die parlement reageer op die grootliks negatiewe kritiek wat teen hom uitgespreek is tydens die debat oor die staatsrede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

53 Kommentare

jongste oudste gewildste

Die agbare Zuma moet weet ek en my gesin verskaf werk aan 2 swartmense wat ons in totaal met kos en vervoer insluit R3 300.00 uit die sak jaag..ek kan sonder hulle klaarkom…maar dan ly 2 gesinne honger…hulle werk ook vir ander blankes…en ek reel dat kinders verder leer en bt ook daarvoor asook sorg dat die werk kry…hoeveel moet ons as gesin nog meer doen…dan praat ek nie van hul mediese uitgawes nie en klere; skoene ens.

AL

Maklik. Verwoerd het apartheid ingestel en jare later word ons met daardie einste sambok geslaan tot daar nie meer plek op ons lywe is vir nog houe nie. So word ons nageslag ook gestraf.
Politieke leiers is lief om munt uit te slaan uit apartheid en om apartheid te blameer indien dinge vir hul skeef loop en hul onbevoeg is om die land te regeer.
Dat die witmense wetgehoorsame, vredeliewende en belastingbetalers is, en aan oplossings help dink en bydra tot die ekonomie swyg hul gerieflik.

At

Terwyl witmense dink dat die DA vir hul (en ander minderhede sal veg), sal die regerende party en sy trawante die res van SA bly minag. Die opposisie is selektief-ruggraatloos. Al mense wat werklik iets probeer word ook swartgesmeer daar die liberale gemors in SA. Red ‘n nasie met sulkes!!!!

nettie

Nee Maroela hy het gevra: Waarom haat jy witmense ……….

Mike de Beer

Dit is bepaald rassisme gemeet aan die huidige statute. Ons segsmanne moet asseblief klagte afle?