Waterbeperkings vir Gauteng

Argieffoto (Foto: RayMark, Pixabay)

Rand Water het vanoggend watertoevoer na Johannesburg, Tshwane en Ekurhuleni begin beperk weens dalende watervlakke in Gautengse reservoirs.

Rand Water sê in ʼn verklaring die vermindering van watertoevoer is die gevolg van ʼn hoër as gewone aanvraag, wat beteken die gemiddelde opgaarkapasiteit het tot minder as 60% gedaal.

Justice Mohale, woordvoerder van Rand Water, het gesê reservoirs soos dié by Brakfontein, Klipfontein en Hartebeeshoek is tans op laer as veilige bedryfsvlakke.

“Rand Water se bedryfsfilosofie is om reservoirvlakke vir eweredige verspreiding tussen 60% en 80% te handhaaf. Om dié rede is die maatreël ingestel,” het hy gesê.

“Dit word gedoen om te help met die herstel van die reservoirvlakke, terwyl hoë waterverbruik in bogenoemde metrogebiede bestuur kan word.”

Rand Water sê hy het reeds al sy kliënte ingelig oor die behoefte aan verminderde waterverbruik en hulle gevra om water spaarsaam te gebruik.

Hy het nie gesê wanneer die situasie weer normaal sal wees nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

17 Kommentare

Remlut Froggiem ·

Oh boy mark my words here is another Excom in the making. Simply put they just cannot keep the reservoirs full water.

Marinda ·

Waterbeperking, maar as die pype in die woongebiede bars, loop dit strome en vir dae voordat dit herstel word

Wonder ·

Ek weet nie waar u bly nie. Ek het nie daardie ervaring in Ekhuruleni nie, die pype wat bars is min, en dit word vinnig reggemaak. En ek oordryf nie. Dalk moet julle ‘n groeps stig in jou buurt en julle plaaslike verteenwoordiger nader om druk te plaas, op die regte persone om die pype vinniger te laat herstel. Afhangend van wattter woongebied u van praat, is my ervaring nou weer, dat grasperke natgemaak word, en sproeiers orals automaties aankom, om vroulief se tuin pragtig groen te hou. Ek dink die res van die inwoners veg so vir oorlewing hulle het nie eers ‘n motor om met ‘n tuinslang te was nie,

Henk ·

Nog infrastruktuur wat van voor 1994 kom en die getransformeerde Rand Waterrad bou nie nuwe reservoirs nie, waar gaan al die onbevoegdheid stop, nou moet die verbruiker daarvoor boet…. ons damme is 97% vol maar ons het waterbeperkings……..rêrig!!!

Wonder ·

Uitstekend stem daarmee saam met die water beperkings. Sien juis vanoggend hoe buurman oorkant die pad sy stukkie grasperk met die hand natspuit. Grasperke behoort verbied te word in my opinie. Ek verstom my altyd hoeveel boorgate daar in woonbuurtes in Ekhuruleni en omgewing is, in private besit. Die regering kan gerus nog ‘n paar boorgate boor om drinkwater aan mense verskaf. Nou gaan die gekerm weer begin oor hoe daar in die ” Townships ” water gemors word. Wel ek is weekliks in die duurste ” Woonbuurtes en Estates ” en kan hulle nou vir jou water mors, die golfbaan moet mos groen jong. En meeste van die ” Estates ” het nie boorgate nie. Opvallend dat daar by baie van hulle ook nie opgaartenks vir water is nie. Verban al die uitheemse blommetjies en rose wat die tannies plant, wat soveel water suip, en maak dit wet om ten minste 50% van jou tuin uit inheemse plante te maak. O ja, en laat Gauteng sommer ‘n paar lesse leer by die Wes-Kaap hoe om water te spaar, hulle was vir ons ‘n voorbeeld, oor wat gedoen kan word.

Jan ·

Ag asb Wonder, lyk my jy is net lui om tuin te maak. Ek sê nie mens moet nie water wys wees nie, maar moet tog net nie bog praat nie. Daar is baie ander tegniese en sosiale redes in Gauteng hoekom daar druk op waterbronne kan onstaan.

@Wonder ·

Estates maak gholfbane nat met “grey water”, nie drinkwater nie….
Jy klink net bitter omdat jy nie in ‘n groen estate met ‘n gholfbaan bly nie.

Ook gewonder ·

Jy weet nie waaroir jy WONDER nie, dit is Rand Waterraad wat nie hul verdomde werk doen en hul mandaat uitvoer nie!

Hennie ·

Grasperke verban word jy is heeltemal van jou sinne beroof ou dis hoekom die townships lyk soos wat dit lyk jy moet seker die gras sny . Gaan leef in die woestyn man en los die mense uit wat mooi tuine wil hê ons betaal tenminste vir ons water wat ons gebruik so kies n ander tyd om sulke twak kwyt te raak

dB Johan ·

“Wonder” jy klink na iemand met suur druiwe omdat jou lewe nie uitgedraai het soos jy gehoop het nie.

Wonder ·

Siestog Maroela media, is dit omdat julle personeel in ” Estates ” bly, met golfbane en waterhonger tuine, dat julle my geldige kommentaar verwyder het?

Wonder ·

Ek vra nederig onverskoning Maroela Media ek sien my kommentaar is nie verwyder nie.

Jeneane ·

Weereens word die feite verbloem. Infrastruktuur word nie onderhou. Feit is dat meer water verlore gaan as wat gebruik word.

bjsmit ·

wonder hoe kom moet ek n beton tuin he en dit is waar dat die townships water mors kom kyk hier waar ek bly dan gaan wys ek jou hoe dit gemors word die onregmatige kamp in ons woon buurt loop die water dag en nag in die straat af so dat die padoppervlakte beskadig word wat weer herstel moet word met wie se geld

Stefan ·

Maklike prinsiep, as jy meer wil hê moet jy minder mors. Werk met die belastingbetaler se geld ook so.
Dit is een van die goed wat die Wes-Kaap fantasties gedoen het na my sien. Afsiende van die besparing deur die mense. Die Wes-Kaap se “water leakage” water lekasie syfer was minder as 10%. Onder die top 5 stede ter wêreld. Kom ons begin daar…

Kallimaari ·

Tot mense in Gauteng water-skaarste beleef soos ons hier onder in die Kaap, sal julle voortgaan met water mors op tuine en motors was, en julle sal aanhou om mekaar aan te vat oor meningsverskille.

Wysheid word soms gebore onder druk. Ons hier in Kaapstad het wysheid gekry onder ‘n swaard wat dreig om ons krane toe te draai. Daardie swaard is steeds in die omtrek.

Léér by ons!

anton ·

Die probleem is, die mense wat geleer of moet leer om water te bespaar, kan nie geleer word om water te spaar nie!!!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.