Die Stellenbosch-munisipaliteit in die Wes-Kaap het Dinsdag aangekondig dat hy vanaf 1 Oktober sy waterbeperkings gedeeltelik sal verslap.
Dié aankondiging kom ná onlangse reën wat kon help om damvlakke te herstel. Die Wes-Kaapse watervoorsieningsvlakke is op 68% kapasiteit.
Die munisipaliteit het in ʼn verklaring laat hoor dat die beperkings van vlak 6B na vlak 5 gelig sal word. Hulle het ook die inwoners bedank vir hul volgehoue samewerking in terme van waterbesparing.
Vlak 5-waterbeperkings maak voorsiening vir 70 ℓ water per persoon per dag waar die huidige vlak 6B net vir 50 ℓ per persoon per dag voorsiening maak.
Die munisipaliteit het bygevoeg wat hy watertariewe op Vlak 4 vasgestel het om inwoners teen die hoër tariewe wat Vlak 5- en 6-beperkings vergesel te beskerm. Die tariewe sal dus onveranderd bly.
Wonder of daar ooit weer n verslapping in die koste van water sal kom, want die waterprys is darm ROF op die oomblik