Wayde en Caster benoem vir gesogte titels

Wayde van Niekerk (Foto: @WaydeDreamer, Twitter)

Wayde van Niekerk (Foto: @WaydeDreamer, Twitter)

Die Suid-Afrikaanse atlete, Wayde van Niekerk en Caster Semenya, is albei deur die Internasionale Atletiekfederasie (IAAF) vir twee gesogte titels benoem.

Van Niekerk is benoem vir manlike atleet van die jaar nadat hy tydens die afgelope Olimpiese Spele, ʼn gouemedalje in die 400m vir Suid-Afrika losgenael het en Michael Johnson se wêreldrekord van 1999 verbeter het. Hy het die 400m in 43.03 sekondes (0.15 sekondes vinniger as Johnson se poging) gewen. Van Niekerk sal onder meer teen Usain Bolt en Mo Farah meeding om die gesogte titel.

Semenya, wat goud gewen het in die 800m vir vroue, in die Olimpiese Spele is as vroulike atleet van die jaar genomineer.

Die wenners word deur ʼn drieledige stemming aangewys.

Die raad van die IAAF se stem tel 50% .

Die IAAF-‘familie’ se stem tel 25% .  Dit sluit ondermeer in die IAAF se federasies, komiteelede, atletiek-ambassadeurs, voorste atlete, lede van die internasionale pers en die IAAF se amptelike vennote.

Hierdie twee groepe stem per e-pos.

Die derde groep wat mag stem is die publiek – die atletiekliefhebbers en natuurlik die atlete. Dié stem moet op die IAAF se sosiale media platform uitgebring word en dit tel ook 25% van die uitslag.

Die IAAF het Dinsdag die lys van 10 mans en 10 vroue, wat om die gesogte titels meeding, bekend gemaak. Die toekennings word op 2 Desember in Monaco oorhandig.

Die ander benoemdes is:

Mans

Usain Bolt

Thiago Braz da Silva

Ashton Eaton

Mo Farah

Eliud Kipchoge

Conselsus Kipruto

Omar McLeod

David Rudisha

Christian Taylor

Wayde van Niekerk

Vroue

Almaz Ayana

Ruth Beitia

Vivian Cheruiyot

Kendra Harrison

Caterine Ibarguen

Ruth Jebet

Sandra Perkovic

Caster Semenya

Elaine Thompson

Anita Wlodarczyk

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

E.K. - ek sê net! ·

Usain mag dalk die titel wen omdat hy nou op ‘n hoogtepunt uitgetree het, maar sowaar, ek hoop maar Wayde kry dit! Altwee (Wayde en Caster) verdien dit om te wen! Ons hou duimvas julle!

Jakobus ·

Wat mans aan betref, dit is nie sommer so tjoef tjaf dat een van die ander sal wen nie, nie naby nie.

Bolt het hom in die geskiedenis verewig deur die eerste mens, dalk die enigste ooit te word wat drie goues in drie agtereenvolgende spele kon verower, dus nege in totaal (die trippel trippel).

Die persoon se prestasie wat beter as Usain s’n is, sal met die toekenning wegstap, dit sal die grootste geskiedenis skok ooit wees.

Sportman 2016 ·

Dit is vir Sportman 2016, vorige jare kan nie in ag geneem word nie, daar moet na 2016 se prestasie gekyk word, dan staan Wayde kop en skouers uit, 16 jaar oue rekord verpletter. Die enigste wat kan pla as hul kyk na meeste goue medaljes, dan is dit Usain, sy vorige jare kan egter nie tel, hy het toe reeds elke jaar gewen. Mo Farah het ook n uitstekende jaar gehad.

jaco ·

Met al die raskwotas is sport wonder ek nou: is Wade “black enough” vir die toekenning?

Duimvas ·

Ek hou groot duimvas vir Wayde en Caster, wow jul hou Suid-Afrika se naam hoog!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.