Wes- en Noord-Kapenaars moet hulle staal vir sterk wind wat moontlik strukturele skade in sommige dele van dié provinsies kan aanrig.
Die Suid-Afrikaanse Weerdiens (SAWD) waarsku teen skadelike wind in die Namakwa-distrik, waaronder Calvinia en Sutherland, en die oostelike gedeelte van die Wes-Kaap, waaronder Riversdal, Oudtshoorn en Beaufort-Wes.
Venetia Phakula, ’n weervoorspeller verbonde aan die weerdiens, het aan Maroela Media gesê sterk wind van tussen 65 en 70 km per uur kan vanaf Donderdag tot Saterdag in die geraakte gebiede verwag word.
Dit is weens ’n weerstelsel wat tans oor die land beweeg.
Phakula sê die weerstelsel kan ook koeler weersomstandighede en reën meebring.
“Rowwe seetoestande kan veroorsaak dat kleiner bote moeilik koers hou, water inneem en omslaan. Vinnige en gelokaliseerde ontwrigting van kleiner hawens en strandaktiwiteite kan ook verwag word,” waarsku die weerdiens.
As die wind sterk in die Kaap waai, kry die binneland en Oostelike gedeeltes baie reen.
Ja dink ons in Gauteng gaan dit ook voel!
Kaap van storms. Iets wat ons nie kan keer nie.
Al is die wind hoe lastig in die Kaap, ek sal dit nooit verruil vir die binneland nie. Kaap is werklik n seen om in te woon.