Weerdiens waarsku oor donderstorms, erge wind

Argieffoto

Die Suid-Afrikaanse Weerdiens (SAWD) het Woensdag gewaarsku dat onderskeidelik erge donderstorms, stormsterk winde en uiters hoë brandgevaar vandag en môre op verskillende plekke in die land sal voorkom.

Die weerdiens waarsku dat uiters hoë brandgevaartoestande vandag in die noordwestelike dele van die Namakwa-distrik sal heers, asook in die noordelike en westelike dele van Limpopo.

Terwyl dié gebiede droë en winderige toestande sal ervaar, word erge donderstorms vir ander provinsies voorspel. Volgens die weerdiens sal daar vandag na verwagting erge donderstorms oor die oostelike hoëveld van Mpumalanga voorkom, asook oor die suidelike en suidoostelike dele van Limpopo.

Dit word voorspel dat temperature in Gauteng van vandag af sal daal en dat bewolkte en nat toestande in dié provinsie ervaar sal word. Inwoners is gewaarsku dat swaar donderstorms wat met erge hael, swaar reënval en skadelike winde gepaard kan gaan, vir Donderdag oor die provinsie verwag word.

Swaar reënval word ook Donderdag aan die KwaZulu-Natalse kus en die aanliggende binneland en noordelike gedeeltes van die provinsie verwag.

Kaapstad sal na verwagting vandag gedeeltelik bewolk wees met reënval wat plek-plek kan voorkom met gepaardgaande matige wind. Die weerdiens het egter gewaarsku dat die verwagte UVB-sondbrandindeks vandag uiters hoog in die Moederstad sal wees.

In die George-gebied, waar verwoestende brande al dae lank woed, word bewolkte tot gedeeltelik bewolkte weer vir vandag voorspel. Daar is ook ʼn moontlikheid van enkele reënbuie wat na verwagting teen vanaand heeltemal sal opklaar.

Hou die SAWD se amptelike sosialemediakanale dop vir die jongste inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
jennefer

Asb Here, stuur reen, dis so verskriklik droog hier.

Limpopo

Groot asb Here! Limpopo is so droog, ons kort dringend reen!!

SjN

Ek vra dit in U Grote Naam, O Heer. Dankie.

Piet

Ja asb Here stuur reen maar nie hael nie, my kar staan buite. En ook asb nou nie te *veel* reen dat mense se huise weg spoel. Byvoorbaat dankie.

Reën sal wonderlik wees

Ook nie sterk winde nie asseblief, net genoeg reen sodat ons lekker kan lewe en mooi tuine kan hê. Baie dankie van my ook.