(Argieffoto)
Die Suid-Afrikaanse Nasionale Weermag (SANW) stuur Donderdag sy entstofprogram van stapel by Waterkloof- mediese sentrum by die Waterkloof-lugmagbasis in Pretoria.
Sestien inentingspersele is geïdentifiseer vir staande mag, siviele en uitgebreide lede van die weermaggemeenskap. Die vrywillige inentingsprogram word beskikbaar gemaak aan alle SANW-lede en die weermaggemeenskap.
Prioriteit sal gegee word aan die gewone mag insluitend reserwemaglede in die volgende volgorde:
- gesondheidsorgwerkers
- persone in vergader-omgewings (militêre kursusse)
- lede wat ontplooi is en wat ontplooi word
- SA Vloot wat op die RSA/Mosambiekse grens ontplooi is
- Gewone mag en reserwemag
- Militêre veterane op die mediese voortgesettingsfonds
- Afhanklikes volgens hul ouderdomsgroep soos voorgeskryf deur die nasionale departement van gesondheid.
Die volgorde kan op kort kennisgewing verander word gebaseer op onverwagse unieke bedryfsnoodgevalle. Skedulering sal deur die verskeie SANW-formasies en -eenhede gedoen word. Lede hoef nie vir inenting te registreer nie; personeel sal kan instap by die onderskeie geïdentifiseerde inentingspersele binne die radius waar hulle gestasioneer is.
Die SANW moedig die weermaggemeenskap aan om hulself teen Covid-19 te laat inent.
Spaar asb. ‘n dosis vir Charl Niehaus!