Weermag vra weer vir wit rekrute

Argieffoto

Argieffoto

Die weermag het begin met ʼn program om jong wit Suid-Afrikaners te lok.

“Die minister van verdediging [Nosiviwe Mapisa-Nqakula] het die weermag opdrag gegee dat ons met mening moet voortgaan om jong mans en vroue uit onderverteenwoordigde gemeenskappe in te bring om in die weermag te dien,” het lt.genl. Vusi Masondo, hoof van die weermag, aan verslaggewers gesê.

“Die minister het dit duidelik gemaak dat daar deur ooreenkomstig met die regering se beleid van nie-rassigheid, pogings aangewend moet word om te verseker dat ons die wanbalanse van ons pynlike verlede regstel. Ons moet daarteen waak om in ‘n ongewenste situasie te beland waar ons weermag buite verhouding oorheers word deur een rassegroep. ”

Masondo het ‘n beroep op die media gedoen om te help om jong wit Suid-Afrikaners in die weermag te kry. Mapisa-Nqakula het verlede maand gesê te min wit mense sluit by die weermag aan.

“Wanneer ek na die intreevlak van die weermag kyk, die jonger mense wat jy sien as jy in die saal ingaan…jy kan letterlik tel hoeveel wit mense by die weermag aansluit,” het sy gesê. “Dit is kommerwekkend aangesien ons ʼn weermag wil bou wat oor vyf jaar nog steeds die demografie van ons samelewing sal weerspieël.”

Mapisa-Nqakula het intussen ook aangekondig dat die aftree-ouderdom vir weermaglede van 60 jaar na 65 jaar verhoog sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

43 Kommentare

jongste oudste gewildste
Neil

Nou eers weer na die datum gekyk of dit nie dalk 1 April is nie! Wanbalanse van ons pynlike verlede reg te stel?As ons moet baklei het julle ons nodig maar as dit by werk en sport kom?
Hy moet mooi dink wat hy se! Daar mag dalk net ‘n paar duisend wit jongmanne aansluit om gratis skietding te kry?

Peet Schabort

Wat gaan die geleentheid wees vir bevordering of word daar net gesoek na kanonkos?
Dis nou wat die minister sê vir opname, wat sê die beleid van die ANC ?
Ek sal huiwerig wees.

Wil weet

Watter weermag???? Die een wat van die wittes ontslae geraak en toe ten gronde gegaan het.!! Nou is ons ewe skielik goed genoeg! Kry vir julle!!

anne

Nee dankie, nou dat alles uitmekaarval is die witmense weer goed genoeg omdat die huidige klomp soldate nie in staat is om die land en sy mense te verdedig nie.

Gerhard Bezuidenhout

Ek kan nie glo wat ek lees nie . Nadat julle ons destydse trotse SAW verwoes het , wil julle weer witmense aanstel om wat te doen. Hierdie mense gaan julle help om n weermag op te bou maar daar sal vir hulle geen bevordering wees nie. Neewat hou verby want ons manne wat weet hoe n prestige Weermag gelyk het lag vir julle .