ʼn Weermaglid is in hegtenis geneem vir sy beweerde betrokkenheid by ʼn werkslenter.
Brig.genl. Mafi Mgobozi, woordvoerder van die weermag, het gesê die adjudant-offisier is Vrydag in Pretoria in hegtenis geneem na ʼn ondersoek deur die militêre polisie en verdedigingsintelligensie-afdelings van die weermag.
Volgens Mgobozi is die lid in hegtenis geneem nadat inligting van beweerde slagoffers van die slenter ontvang is.
Die verdagte sal Dinsdag in die militêre hof op aanklag van korrupsie verskyn. “Die weermag wil benadruk dat geen korrupte aktiwiteite deur enige lid, ongeag hul rang, geduld sal word nie.”
Mgobozi het nie enige verdere besonderhede bekend gemaak oor die beweerde werkslenter en wat dit behels nie.
Die hele weermag vanaf die integrasie proses is n werkslenter
Ek stem. Jy kan die helfte maar alreeds gaan toesluit
Waarom hom aankla die hele weermag is korrup van bo tot onder, hy is maar net ongelukkig dat hy uitgevang is.