‘Wees versigtig as jy SA besoek,’ vra Botswana-regering

Nigeriese burgers het uit vergelding Woensdag Suid-Afrikaanse ondernemings onder meer die supermarkketting Shoprite in Abuja in Nigirië geteiken. (Foto: ANA)

Die regering van Botswana het Woensdag ’n reiswaarskuwing uitgereik waarin hy sy burgers wat binnekort na Suid-Afrika reis vra om “uiters versigtig te wees” te midde van wydverspreide aanvalle op buitelanders in Gauteng.

Die ministerie van internasionale sake en samewerking het in ʼn verklaring uit Gaborone gevra dat sy burgers wat in Suid-Afrika is, sekere gebiede waar geweld en plundertogte voorkom moet vermy en ten alle tye waaksaam moet wees.

Maroela Media het vroeër berig die regering van Zimbabwe het ook vroeër die dag sy burgers wat in Suid-Afrika is of binnekort na die buurland reis, gemaan om “die nodige voorsorgmaatreëls te tref” te midde van grootskaalse aanvalle op uitlanders.

Die regering van Zambië het ook vandeesweek sy burgers in Suid-Afrika gevra om waaksaam te wees nadat ʼn Zambiese burger in Germiston aan die Oos-Rand deur ʼn groep mense oorval en met ʼn skerp voorwerp in sy voorkop gesteek is.

Hy was die afgelope twee maande in die land om vir sy broer te kuier.

Nigeriese burgers het op hul beurt uit vergelding vandeesweek Suid-Afrikaanse ondernemings in dié land onder meer die selfoonoperateur MTN en die supermarkketting Shoprite geteiken.

Teen Woensdag was byna 300 persone reeds in hegtenis geneem wat tot ʼn beduidende afname in geweld en plundertogte in Gauteng gelei het.

Die geweld het egter die lewe van minstens vyf mense in die provinsie geëis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

37 Kommentare

jongste oudste gewildste
MARTIN

Die ou-mense het gesê, as jy nie wil hoor nie moet jy voel…
Laat die in beheer nou maar voel.
Dit gaan nie by Botswana stop nie

jean

En so gaan ons almal tesame met die landjie verniel en afgebreek word…..My gedagtes en woorde mag ek egter nie verbaliseer nie…..

Wielspore

Die kultuur van vergelding kom teen ‘n duur prys, daar is geen wenners. Dit is ook so dat die meeste politiek in Afrika bedryf en onderhou word op grond van mag en vergelding.
Mag en vergelding hou geen voordele vir die mense in, dit is net die sogenaamde leiers wat daarby baatvind. Daar is geen doel daarin om aan die hoof van ‘n land te staan en jou land is doelloos.

J

Dalk is dit ‘n goeie ding dat al die emigrante terug na hul geboortelande toe vlug. Hoe sal SA wees as slegs SAners hier woon en werk?

En dink net wat als in SA kan verander as ander ryk lande weer sanksies instel soos destyds teen Apartheidsregering.

Anoniem

Want die Kaptein van die skip is afwesig, miskien het Hy nooit eers opgeklim nie !