Weeskind deur leeus doodgebyt

Argieffoto

Argieffoto

Die kind wat Donderdagoggend deur leeus op ʼn leeuplaas buite Parys in die Vrystaat doodgebyt is, was saam met een van die plaaswerkers in die leeus se hok toe die voorval gebeur het.

Kapt. Livhuhani Hani, woordvoerder van die polisie, het gesê Nkalemelo Latha (12) was ʼn weeskind wat by sy suster en haar man by die Otavi Wildlife Sanctuary gewoon het. Die man werk as ʼn opsigter op die plaas.

“Daar word beweer dat Nkalemelo saam met een van die werkers op die plaas in die leeus se hok ingegaan het. Die leeus het uit hul voer-area ontsnap en die werker en Nkalemelo aangeval,” het Hani gesê. “Die werker kon daarin slaag om ongedeerd weg te kom, maar Nkalemelo was nie so gelukkig nie. Hy is deur die leeus aangeval en het aan sy wonde beswyk.”

Hani het gesê ʼn saak van strafbare manslag word ondersoek. Niemand is in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Boerseun

Marianne, Theresa , Charlene , vermeende, dink julle moet in vervolg julle kristal balle en tee koppies los. Hulle voorspellings is bietjie af.

Sharpei

Die jammer die kind is oorlede maar hy hoort nie in die leeuhok nie…….dit bly nogsteeds n wilde dier en ons as mens moet respek betoon aan hierdie diere….MOET ASB.NIE DIE LEEUS VAN KANT MAAK NIE

m

Dis baie sleg. Hoop nou net nie die arme leeu gaan nou vankant gemaak word nie. Daai man kon nou vir homself gedink ……. Ai tog………..

Lou

Hoekom is die leeu in ‘n hok????

Louis

As hy nie in `n hok is nie, sal hy almal op die plaas opvreet !!!!