ʼn 15-jarige seun is in Wellington in die Wes-Kaap in hegtenis geneem nadat hy glo ʼn medeskolier met ʼn mes doodgesteek het.
“Die seun is Donderdag in hegtenis geneem na die 17-jarige skolier se dood,” het kapt. Frederick van Wyk, woordvoerder van die polisie in die Wes-Kaap, Vrydag gesê.
Die motief vir die moord is nog nie bekend nie.
Die seun sal Maandag in die landdroshof in Wellington verskyn. -SAPA