‘Wêreld is besig om kennis van SA te neem’

Peter Dutton. Foto: Facebook

Die VF Plus het Donderdag die Suid-Afrikaanse regering se verbasing rondom die uitsprake van Australië se minister van binnelandse sake oor die “gruwelike omstandighede” waarin wit Suid-Afrikaanse boere hulle bevind, as “lagwekkend” beskryf.

Maroela Media het vroeër berig Peter Dutton, Australië se minister van binnelandse sake, het in ʼn onderhoud met The Daily Telegraph gesê sy departement is besig om ondersoek in te stel na ʼn reeks maniere om wit Suid-Afrikaanse boere te help om vinnig na Australië te kan emigreer. Dutton het gesê hy meen wit Suid-Afrikaanse boere verdien “spesiale aandag” weens die omstandighede waarin hulle hul bevind.

Adv. Anton Alberts, VF Plus-voorsitter en die party se parlementêre woordvoerder oor ekonomie, het in ʼn verklaring gesê dit is lagwekkend dat die ANC-regering verbaas is oor Dutton se woorde, gegewe die regering “se eie bydrae tot die skep van die omstandighede wat die Australiese regering bekommer, naamlik wrede plaasmoorde en onteiening sonder vergoeding”.

Volgens Alberts kan die Suid-Afrikaanse regering eenvoudig nie meer glo “die wêreld sal wegkyk terwyl hy in die spore volg van ander mislukte regerings soos Zimbabwe en Venezuela nie”.

“Die wêreld is inderdaad besig om kennis te neem van die ware kommunistiese aard van die ANC en daarom moet dié party nie verbaas wees indien daar spontane desinvestering plaasvind en ander state hulp begin aanbied aan geteikende minderhede nie,” het Alberts gesê.

“Die ANC moet besef dat talle Europese lande, asook Brittanje en Amerika, skepties en met kommer na die ANC-regering begin kyk, en soortgelyke aksies van visa-aanbiedings en desinvestering van elders kan te wagte wees. Die enigste manier hoe die ANC Suid-Afrika se aansien in die wêreld kan herstel, is om die beleid van onteiening sonder vergoeding te laat vaar, plaasmoorde te bestry met doeltreffende polisiëring en minderhede se regte as volwaardige burgers te bevestig deur Swart Ekonomiese Bemagtiging en Regstellende Aksie uit te faseer.”

Alberts meen indien hierdie aspekte nie gebeur nie, sal beleggings en talentvolle en hardwerkende burgers voortgaan om die land te verlaat.

Maroela Media het vroeër berig Lindiwe Sisulu, minister van internasionale betrekkinge en samewerking, het Woensdag in ʼn verklaring gesê dit is jammer dat die Australiese regering nie gekies het om die “beskikbare diplomatieke kanale” te gebruik om hul kommer oor die grondhervormingsproses in Suid-Afrika te kenne te gee nie.

“Daar is geen rede vir enige regering enige plek ter wêreld om te vermoed dat enige Suid-Afrikaner in gevaar is van hul eie demokraties verkose regering nie. Daardie bedreiging bestaan doodgewoon nie.”

Volgens Sisulu sal die Suid-Afrikaanse regering met die Australiese regering in gesprek tree oor die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Boer

Ek hoop daar kom nog uitnodigings soos Australie s’n en spoedig.Ook onttrekking van groot maatskappye uit ons land uit
Dit sal wonderlik wees.Ek hoop ook die IMF wat so in hulle skik was met Ramaposa neem kennis.

Patriot

Ek sal oor die maan wees as ons ALMAL kan immigreer, dan moet SA maar self sien hoe kom hulle klaar sonder boere en die res van ons blanke gemeenskappe. Dit sal my groot genot verskaf om te sien hoe hulle sink.

Pieter

Stem 100% saam met Boer. Nou is Australie rasisties!

Tanzie

Sisulu is eenvoudig net die grap van die jaar. Dit maak my hart warm om te weet dit wat in hierdie land aangaan gaan nie ongesiens verby die buiteland nie. Toe Mnr Ramaposa, ons sit terug en wag….

Manie Strydom

Ek stem saam hierdie rasistiese regering moet hulle rasistiese beleid staak of vat wat kom ,Presedent Trump het ook gesê die VSA sal dit nie toelaat nie hulle sal intree.