Wêreldbeker-finaal nou ook SAUK-kykers beskore

Foto: (AP Photo/Shuji Kajiyama)

Goeie nuus vir rugbyliefhebbers is dat die SAUK nou ook die Wêreldbeker-eindstryd tussen Suid-Afrika en Engeland gaan uitsaai.

Die Springbokke het die afgelope naweek in ʼn naelbytstryd Wallis se Rooi Drake geklop vir ʼn plek in die eindstryd. Hulle het met 19-16 oor Wallis geseëvier.

Die SAUK het Maandag in ʼn verklaring gesê hy het ʼn ooreenkoms met SuperSport bereik om die eindstryd, wat Saterdag om 11:00 in Jokohama beslis word, regstreeks op SABC2 uit te saai.

Vrydag se wedstryd tussen Nieu-Seeland en Wallis om die derde plek sal óók regstreeks uitgesaai word. Dié wedstryd begin ook om 11:00.

Madoda Mxakwe, die SAUK se groephoof, het gesê die SAUK is “opgewonde om die geskiedkundige wedstryd aan die land te bring, aangesien die openbare uitsaaier besef watter rol dit in maatskaplike samehorigheid, nasiebou en die bevordering van sport in nasionale belang speel”.

Mxakwe het ook gesê die SAUK is verbind daartoe om kommersieel lewensvatbare ooreenkomste met SuperSport aan te gaan.

“Ons ondersteun die Springbokke en wens hulle alles van die beste toe terwyl hulle ʼn plek in die geskiedenisboeke najaag.”

  • Jy staan boonop die kans om ʼn ysmasjien ter waarde van minstens R2 000 te wen as jy in Maroela Media se rugbyraaikompetisie die Rugbywêreldbeker-eindstrydtelling (tussen Suid-Afrika en Engeland) reg kan raai. Lees hier hoe jy kan wen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Donald

Dis goed so. Gee nie om te betaal vir die wat regtig wil kyk maar dit nie beskore is nie, al, is die kop van die vis vrot.

Willie

Het geweet Kolisi se kapteinskap het meer agter die skerms! Well doen Rassie.

Petro

Dit gaan nie hier oor politiek of Ramaphosa nie. Gun mense die geleentheid om die Bokke te ondersteun in die finaal. Ek dink dis awesome. Baie mense, veral oumense wat nie dstv kan bekostig nie. En ja die land kan vir ‘n slag bietjie saam skree, kan ons net goed doen.

proSteve

dankie maar nee dankie. My eersgebore reg gee ek nie weg vir die rugby lensie sop nie.

Willehond

En eksdom gaan die krag afsit want hulle wil n tarief verhoging he!! Sal maar die generoter start!