Werkers kom op Vrystaat-boer se liggaam af

Barry Baars. Foto: Facebook.

Barry Baars, die boer wat Dinsdagoggend op ʼn plaas tussen Ficksburg en Rosendal in die Vrystaat vermoor is, is met ʼn skietwond aan sy ken in sy huis aangetref.

Kol. Thandi Mbambo, provinsiale woordvoerder van die polisie, het aan Maroela Media gesê Baars (55) se werknemers het omstreeks 09:00 op sy liggaam afgekom waar dit in komberse toegedraai was. Volgens haar is die presiese tyd van die moord nie bekend nie, maar dit sal vasgestel word tydens die nadoodse ondersoek.

“Ons voorlopige ondersoek dui daarop dat daar met ʼn klein kluis in die kombuis gepeuter is, maar niks is daaruit gesteel nie. ʼn Groot kluis in die slaapkamer is oop aangetref met die sleutel steeds in die deur. Daar was vuurwapens en weermagsklere in dié kluis,” het Mbambo gesê.

Volgens haar word ʼn pistool en kringtelevisietoerusting glo vermis.

ʼn Saak van moord word ondersoek.

Mbambo het bygevoeg die verdagte/s het moontlik toegang tot die huis deur die oop kombuisdeur verkry.

Maroela Media het vroeër berig Ian Cameron, hoof van gemeenskapsveiligheid by AfriForum, het aan Maroela Media gesê daar is ʼn Lesotho-nommerplaat in ʼn pad op die plaas gevind, maar dit is nie duidelik of dit met die aanval verband hou nie.

Volgens Cameron woon daar soms ʼn vriendin by Baars op die plaas, maar dit is nie duidelik of daar ten tyde van die aanval iemand by hom was of nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Vra buitelandse hulp

Ons moet huilp vra van buitelanders om ons regering aan te spreek, hulle voer nou n veldtog wat die buiteland van moet weet.

MERAAI

DIE AANVAL GAAN OOK SEKER AANGESIEN WORD AS ROOF – DIT IS GLAD NIE PLAAS MOORD NIE!!!!!!!!!!!!!!!!!!!!!!!!!!!!

Juffie

Wat my verstand te bowe gaan is hoekom mense nog met oop deure en vensters leef……behalwe as hierdie moordenaar iemand is wat ‘n sleutel het…..maak dit nie sin nie.

Realis

Ek vind dit vreemd dat daar nie n stortvloed van kommentaar deur ons (altyd so korrekte) mede lesers is nie. Is julle moeg?

Marlene

Is dit nie asof daar skielik meer moorde is na Maandag nie???