Werkloosheid in Vrystaat kommerwekkend

Werkloosheid in die Vrystaat is aan die toeneem en die politieke wil bestaan nie by die ANC om die groeiende probleem aan te spreek nie, het die VF Plus in ʼn verklaring gesê.

Volgens Statistieke Suid-Afrika se kwartaallikse werksmag-opname wat Dinsdag uitgereik is, het die werkloosheidspersentasie in die Vrystaat met 1.6 % vir opeenvolgende kwartale toegeneem. Dit is die hoogste van al die provinsies.

Werkloosheid in dié provinsie het van 32.8% in die eerste kwartaal vanjaar tot 34.4% in die tweede kwartaal toegeneem en daar is 26 000 minder werkgeleenthede.

Tammy Wessels, VF Plus-LP, het gesê hierdie toename moet voor die deur van die ANC-regering in dié provinsie gelê word as gevolg van die onsekerheid van wanbestuur en die ongunstige werkstoestande wat dié party se uitsprake skep.

“Werkgeleenthede net in die Vrystaatse landbousektor het met 22.3% afgeneem. Roekelose en ondeurdagte uitsprake oor grondonteiening vir goedkoop politieke gewin en die algehele gebrek aan ondersteuning en behoorlike bestuur in die sektor dra by tot hierdie ongunstige toestande,” het Wessels bygevoeg. “Die Vrystaatse regering, onder leiding van premier Sisi Ntombela, behoort werkskepping as sy eerste prioriteit te ag. Goedkoop politiekery, eie- en partygewin en ander verkeerde prioriteite moet dringend uit die weg geruim word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Johanna Botha

Waar die anc is ,is dit n gemors hehe en die dom mense hou aan anc stem ….geen salf te smeer nie !

Msp

Ek glo nie daar is ñ oplossing in sig nie. Die regering sorg nes mugabe dat net hulle sakke altyd vol is en dat hulle oor beskerm word met lyfwagte en dit alles met die belastingbetalers se geld. Maw, hulle het geen tekort aan geld nie en hulle omgewing is 100% veilig…

Koos

Ek verstaan nie. Hoekom moet iemand VIR jou werk skep??

jaco

hierdie persentasies is nogal hoog en gemeet aan die rassesamestelling van die Vrystaat se bevolking, beteken dit dat die MEERDERHEID van hierdie werkloses nie wit is nie. Iets maak dus nie sin nie: waar is regstellende aksie en BEE dan? Met daardie 2 towerwoorde kry Ramaphosa se “our people” dan so maklik werk, terwyl wit mense en tot ‘n mindere mate Kleurlinge en Indiërs weggewys word.

Paul

En dit gaan tienteeneen die mense noop om na die plase uit te wyk op soek na ‘grond’.