‘Werkplek-skieter’ sal skuld erken

Nicolene Schreuder en Dawid Connoway. Foto: Facebook

Nicolene Schreuder en Dawid Connoway. Foto: Facebook

Dawid Connoway, die man wat daarvan beskuldig word dat hy verlede maand sy voormalige verloofde koelbloedig by haar werkplek in Pretoria doodgeskiet het, sal skuld erken.

Dít het Dinsdag aan die lig gekom tydens Connoway (39) se verskyning in die Pretoria-landdroshof. Connoway sou na verwagting om borgtog aansoek gedoen het, maar het toe besluit om sy aansoek te laat vaar.

Connoway het op 29 April na bewering sy eksverloofde, Nicolene Schreuder (35), by haar werkplek in Moreletapark doodgeskiet. Hy het op sy motorfiets gevlug en Schreuder is op die toneel dood.

Connoway is later die aand by sy ma se huis op ʼn plaas in Bronkhorstspruit in hegtenis geneem. Die polisie het hom in ʼn instapkluis gevind waar sy ma hom probeer versteek het. Sy ma en haar vriend is ook vir dwarsboming van die gereg in hegtenis geneem.

Hooflanddros Desmond Nair het die hofverrigtinge tot 18 Julie uitgestel wanneer Schreuder se nadoodse verslag beskikbaar sal wees.

Lees alle vorige berigte oor die saak op Maroela Media.

News24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Dave

Dit behoort nie nuus te wees dat hy skuld sal erken. Of was daar enige manier waarop hy sou kon verdoesel dat hy ‘n koelbloedige moordenaar is?

scalla

Eintlik is dit dood logies, wie anders het die skoot afgevuur?

CHRISTA

Dit lyk my al hoe meer en meer mans probeer met moord wegkom. Ek mag seker ook nie sê hulle is barbaars nie (seker gawe kêrels, né?)