Die vermiste wewenaar Werner de Jager is Woensdagoggend gevind nadat hy sowat drie dae gelede as vermis aangemeld is.
“Ons kan bevestig dat Werner de Jager omstreeks 08:30 in die laer Illovo-omgewing lewend gevind is,” het kol. Thembeka Mbele, woordvoerder van die polisie, aan Maroela Media gesê.
Mbele wou egter nie meer inligting in die stadium bekend maak nie.
De Jager is Sondag as vermis aangemeld nadat sy skoonpa, Henk van Zyl, hom glo Saterdag omstreeks 10:00 vir die laaste keer gesien het.
De Jager se vrou, Liezel, is meer as twee weke gelede onder raaiselagtige omstandighede vermoor. Liezel, leraar by die NG Kerk Suidkus in Amanzimtoti, is die oggend van 13 Oktober met wurgmerke aan haar nek dood by die kerk se pastorie gevind nadat sy saam met ʼn groep mense gaan draf het.
Niks van Liezel se besittings is tydens die moord geneem nie en haar selfoon en sleutel is onder meer langs haar liggaam aangetref.
Die egpaar het twee jong kinders.
Dankie Here hy lewe nog. Gebede is met die gesin en uitgebreide familie en vriende.
Jou boodskappe Elsabe, bly positief.
Hier wag ‘n groot skok op jou. Of dalk bid jy maar net vir alle mense. Insluitend plaasmoodenaars.
Ek hoop regtig dat hy net sy gedagtes gaan uitsorteer het. Ek wíl nie dat dit ook soos die Amerikaanse Petito/Laundry saak uitdraai nie. Ter wille van daardie pragtige kindertjies.
Hy en Jason Rohde kan saam kuier … eendag daar in hulle nuwe tuiste
Ek weet nie wat die ergste moet wees vir die familie nie. Om te moet weet wat gebeur het…of om nie die werklikheid sonder die waarheid te moet trotseer. Die boosheid wat om ons rondloop dra deesdae geen vermomming nie.
Ek hoop regtig hy besef weghardloop is nie n oplossing nie. Praat die waarheid want dit gaan uitkom.
O Gorrel…geen.kommentaar