Wes-Kaapse Bloeddiens bly Afrikaans

bloedskenk

Moeders is van die mees algemene gebruikers van bloed weens komplikasies tydens geboorte. Foto: Argief.

Die Wes-Kaapse Bloeddiens (WKB) het bevestig hy sal voortgaan om in Afrikaans te kommunikeer.

Dit volg na die Suid-Afrikaanse Nasionale Bloeddiens (SANBD), wat die ander agt provinsies bedien, se besluit vandeesweek dat sy dokumente wat skenkers met elke skenking moet invul, voortaan slegs in Engels beskikbaar sal wees.

Luidens ʼn verklaring deur die WKB maak Afrikaanssprekendes ongeveer 49,70% van die Wes-Kaapse bevolking uit en is ongeveer 41,4% van die provinsie se bloedskenkers Afrikaanssprekend.

Daarom die besluit om sy brosjures en skenkervraelyste dus in Afrikaans en Engels beskikbaar te stel en nié met Afrikaans weg te doen soos die SANBD nie.

“Ons wil graag al ons Afrikaanssprekende bloedskenkers gerus stel dat ons sal voortgaan om ons vraelyste, brosjures en advertensies in Afrikaans beskikbaar te hê,” het Michelle Vermeulen, skakelbeampte vir die WKB, gesê.

Maroela Media het vroeër berig die SANBD het in reaksie op ʼn navraag van die Afrikanerbond gesê hy tree in pas met die Grondwet op deur Engels, in plaas van al 11 amptelike tale, as voorkeurtaal te gebruik vir bloedskenkvorms.

Die SANBD glo die voortrek van net sommige amptelike tale kom op diskriminasie teen ander amptelike tale neer. Daarom word net Engels gebruik wat die “amptelike saketaal” sou wees.

Die SANBD maak verder daarop aanspraak dat dit onprakties is om al 11 amptelike tale te gebruik, daarom word net Engels gebruik.

Sy besluit om weg te doen met Afrikaans het egter talle Afrikaanssprekendes warm onder die kraag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

74 Kommentare

jongste oudste gewildste
Thinus

As my taal nie welkom is nie, is my bloed ook nie.

Anoniem

Stem slaan hulle waar die seerste maak.

toy

Dit is goeie nuus.

Lollie

Bravo aan die Wes-Kaap! As hulle dit kan doen kan die ander dit mos ook doen.
Die wat Afrikaans uitsny gaan dit beslis voel. Die persone wat dink ons is verkeerd kan maar gaan skenk, niemand keer hulle nie. Ek dink baie wat daarmee saamstem is nie eers skenkers nie.
Daar is altyd iets om te blameer as daar groot verandering is. Of die grondwet of apartheid!

sê maar net

Ek is trots Afrikaans, maar dink hierdie is belaglik. Ek skenk bloed, en ek gee nou nie regtig om watter taal jy praat nie, solank ek ‘n lewe kan red. Ek het nog elke keer toevallig ‘n engelse vorm ingevul. WAT MAAK DIT TOG SAAK?