Wes-Kaapse boer hoor oor borgtog

Argieffoto

Frik Muller, ʼn boer van Herbertsdale buite Mosselbaai in die Wes-Kaap, se borgtogaansoek is Donderdag in die plaaslike landdroshof geweier.

Sers. Kappi Kapp het aan Maroela Media gesê die hof het beslis Muller moet in aanhouding bly totdat die hofsaak afgehandel is. Die hof het bevind Muller kon nie tydens sy borgtogaansoek bewys dat sy teenwoordigheid op die plaas nié ʼn bedreiging vir die slagoffers in die saak sal inhou nie. Sy borgtogaansoek is gevolglik van die hand gewys.

Maroela Media het vroeër berig Muller staan tereg op aanklagte van poging tot moord, aanranding met die doel om ernstig te beseer, opsetlike saakbeskadiging en die besit van ʼn onwettige vuurwapen en ammunisie.

Dit kom nadat hy na bewering vroeër vandeesmaand met ʼn trekker teen die muur van Hylton Levendal, ʼn voormalige plaaswerker, se huis vasgery het. Levendal is glo al in Desember afgedank, maar het geweier om pad te gee van die plaas af. ʼn Onderonsie het tussen Levendal en Muller ontstaan wat daartoe gelei het dat Muller glo met ʼn trekker teen die muur van die werker se huis vasgery het.

Van die bakstene van die huis het op Levendal geval en hy is glo gering beseer.

Muller sal op 12 April weer in die Mosselbaai-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Ronel

Gering beseer en die klag is poging tot moord. Laat ‘n boer dood wees na ‘n wrede aanval en verkragting van sy vrou dan word ‘n moontlike huisbraakklag ondersoek. En niemand word in elk geval vasgetrek nie.

Johann

Poging tot moord? Wat van die wat meer as net POOG om te moor? O ja askuus… hulle is frustreerd omdat daar meer as 20 jaar terug teen hulle diskrimineer is, en nous dit n kwessie van previously disadvantaged, currently taking advantage… to the point of murder and rape and distruction. Georganiseerde anargie alla ANC legacy

Vuurwarmkwaad

Ek kan my daardie boer se ontsettende kwaad indink. Hoe verwronge is die gereg nie; hoe magteloos is ons nie! Die werker het tien-teen-een die boer en sy gesin nog gedreig ook. Die ouer mense het altyd gesê die wiel draai, maar die jongeres voel die wiel moet darem nou wrintiewaar ‘n bietjie spoed optel.

Wurmpie

Geen borgtog vir die boer? Moordenaars loop rond maar hy word ń bietjie vryheid geweier

PJC

Dat ń mens nou jou eie eiendom nie mag betree nie en dit omdat ń onwettige hom op jou plek tuis gemaak het. Dit is absoluut verregaande. Die onwettige kan mos verwyder word as hulle so bekommerd is oor sy veiligheid.