Wes-Kaapse boer steeds agter tralies

hof-hamer

Argieffoto.

Frik Muller, die boer van Herbertsdale buite Mosselbaai in die Wes-Kaap wat onder meer van poging tot moord aangekla word nadat hy na bewering met ʼn trekker teen ʼn voormalige plaaswerker se huis vasgery het, het steeds nie ʼn antwoord oor sy aansoek om borgtog nie.

Sers. Kappi Kapp, woordvoerder van die polisie, het aan Maroela Media gesê Muller het 15 Junie in die Mosselbaai-landdroshof voorgekom waar die saak tot 19 Junie uitgestel is.

“Hy het toe verskyn en weer om borgtog aansoek gedoen. Die landdros het nie uitspraak gelewer oor sy aansoek om borgtog nie en het die aansoek uitgestel tot 23 Julie in die Mosselbaai-streekhof. Die landdros het aangedui dat hy weer die getuienis van die ondersoekbeampte in die saak wil aanhoor,” het Kapp gesê.

Maroela Media het vroeër berig Muller se aansoeke om borgtog is al drie keer vantevore van die hand gewys. Dié aansoek wat nou uitgestel is, is sy vierde borgtogaansoek.

Muller staan tereg op aanklagte van poging tot moord, aanranding met die doel om ernstig te beseer, opsetlike saakbeskadiging en die onwettige besit van ʼn vuurwapen en ammunisie.

Die slagoffer, Hylton Levendal, is glo al in Desember afgedank, maar het geweier om die plaas te verlaat. ʼn Onderonsie tussen Muller en Levendal het ontstaan wat daartoe gelei het dat Muller glo met ʼn trekker teen die muur van die werker se huis vasgery het.

Van die bakstene van die huis het op Levendal geval en hy is glo gering beseer.

Muller word steeds in ʼn gevangenis in George aangehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Leon Coetzee

Moordenaars , verkragters en stropers kry borgtog . Hierdie arme man is seker te bleekl

Denise

Dit is belaglik as die man geloop het was daar nou nie probleme nie maar so word mense getart ai tog hartseer !!!

RH

It’s a matter of time and they will see whats coming their way!!! I have FAITH & HOPE!!! Hierdie regering wie almal onder die tafel betaal om hierdie korrupsie aan die gang te kan hou, se dae is getel! Alles wat hulle doen gaan met n hengse spoed hulle self tref! Dit gaan nie so aan gaan nie! Ons mense word vermoor en gemartel en dit oor hulle korrupsie koppe en donker harte! Wanneer daai wiel draai, sal ons sien wie se wat dan! Hou moed! Hou geloof mense! GOD is n vreesende GOD en GOD se woord bly staan!

Tammy

Vat die saak verder. Hierdie uitspraak is nie die alfa en oomega nie. Dagvaar hom sommer vir huur aangesien hy onwettig daar bly. Laat sy besittings opskryf vir uitstaande of agterstallige geld wat verhaal moet word.

Swannie

En so loop die man se regskostes ook net op en op.
Ek het lankal vertroue verloor in ons sogenaamde “regstelsel”….wonder of dit nie liewer “regstellende stelsel ” genoem moet word nie ?