Wes-Kaapse brande: Stappe teen ‘aanhitser’ om wit plase af te brand

Lindsay Maasdorp. Foto: Facebook

Lindsay Maasdorp. Foto: Facebook

Solidariteit het ʼn klag teen Lindsay Maasdorp van die Black First Land First-groep by die Suid-Afrikaanse Mensregtekommissie gelê nadat hy onder meer te midde verwoestende brande in die Wes-Kaap gesê het: “If farmers felt blessed by God when it rained on their fields, then oppressed black people could feel blessed if white-owned farms burnt down.”

Hy het ook op Facebook gesê: “Black god needs servants in CT: wind + matches + white owned farms.” Hy het vroeër op sy Facebook-blad gevra: “When will we kill them?”

In sy klag vra Solidariteit dat dié uitsprake ondersoek en ʼn bevinding gemaak word; dat Maasdorp gedwing word om in die openbaar verskoning te vra; en dat die saak met ’n aanbeveling na die nasionale direkteur van openbare vervolging verwys moet word met die oog op moontlike strafregtelike vervolging.

“Ons is verstom dat daar nie reeds teen Maasdorp opgetree is nie. Die Wes-Kaap brand en die aanhitsers om brand te stig, sit veilig by die huis. Uitsprake soos dié skep ʼn klimaat waarin die afbrand van plase geregverdig word. Dit is nie bloot aanhitsing tot geweld nie; daar is ook ʼn haatspraakelement daaraan verbonde. Die oproep is om spesifiek wit mense se plase af te brand en ’n klimaat word geskep wat geweld teen wit mense regverdig. Maasdorp vra selfs die retoriese vraag: ‘Wanneer kan wit mense doodgemaak word?’” het dr. Dirk Hermann, bestuurshoof van Solidariteit, gesê.

Maasdorp se plasing op sosiale media.

Maasdorp se plasing op sosiale media.

Die feit dat Maasdorp se uitsprake nie op elke voorblad van ʼn koerant veroordeel word nie, kla volgens Hermann politici, meningsvormers en die media van selektiewe rassisme aan.

Suid-Afrika is heeltemal té geduldig met kru swart rassisme wat geweldsondertone het. Wit en swart moet dit verwerp. Dubbele rassestandaarde hoort nie in ʼn demokrasie wat rassisme verwerp nie.

“Ons klag is ook ʼn toets vir die Suid-Afrikaanse Menseregtekommissie se verbintenis om alle vorme van rassisme te beveg. Indien rassisme boonop nog ʼn haatgeweldsondertoon het, behoort dit nie net verwerp te word nie, maar ook aan vervolging onderwerp te word,” het Hermann gesê.

Volgens Solidariteit se klag maak die Grondwet van Suid-Afrika wel voorsiening vir vryheid van spraak, maar daardie vryheid word beperk deur ʼn verbod om geweld aan te stig en ʼn verbod om haat op grond van ras te versprei. Hierdie verbod vind ook in verskeie ander wette neerslag.

Solidariteit voer in sy klag aan dat Maasdorp die waardes van die Grondwet ondermyn en dat Suid-Afrikaners oor alle grense heen moet opstaan om die waardes van die Suid-Afrikaanse Grondwet te beskerm.

In die lig van die Suid-Afrikaanse regsraamwerk argumenteer Solidariteit dat Maasdorp hom skuldig maak aan haatspraak; dat sy haatuitsprake gebaseer is op ras; en dat hy hom skuldig maak aan aanhitsing tot geweld met die doel om skade te veroorsaak.

“Ons wil egter nie net ʼn ligte tik oor die vingers sien nie, want ons glo Maasdorp moet strafregtelik vervolg word. Die Suid-Afrikaanse Menseregtekommissie beskik oor die mag om ʼn saak by die Nasionale Vervolgingsgesag aanhangig te maak en ons verwag van die kommissie om dit in hierdie geval te doen. Solidariteit sal ook ʼn waghondrol speel om te kyk hoe die Menseregtekommissie hierdie saak hanteer,” het Hermann afgesluit.

Maasdorp het vroeër in ‘n onderhoud met News24 ontken dat sy inskrywing geweld aanhits.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

103 Kommentare

jongste oudste gewildste
Matmiet

Bring dit Lindsay

Johann

Ek hoop deur dit te sê het hom verlos van die kettings, dalk voel hy nou beter.

jan

Alle voorspoed met jou toekoms.

Jan

Oops ek is gesensor… was nie fake en polities korrek genoeg gewees nie… kort n Trump in SA!!

Hennie

Hy moenie net om verskoning vra nie, tronk toe met hom!