Bonginkosi Madikizela, Wes-Kaapse DA-leier, en Albert Fritz, provinsiale onderleier, is vir nog ʼn termyn van drie jaar in hul poste herkies op die party se provinsiale kongres wat hierdie naweek gehou is.
Madikizela is die provinsiale minister van vervoer en Fritz is die Wes-Kaapse minister van gemeenskapsveiligheid.
Voor die kongres was daar ongekende drama toe een van Madikizela se teenstanders in die leierskapwedloop, Masizole Mnqasela, beweer het Madikizela beplan ʼn sluipmoordaanval teen hom.
Nadat die DA die bewerings ondersoek het, is bevind dat dit nonsens was, en in die leierstryd het Madikizela koning gekraai teen Mnqasela en nog twee kandidate, Wendy Philander en Pieter van Dalen.
Na byna 20 jaar in die amp het Anton Bredell uitgetree as provinsiale DA-voorsitter. Die parlementslid Jaco Londt is nou die Wes-Kaapse DA-voorsitter.
Londt se hegte politieke bondgenoot, die DA-LP Erik Marais, is verkies tot provinsiale hoof van die DA se finansies.
Die drie Wes-Kaapse provinsiale ondervoorsitters is die parlementslid Geordin Hill-Lewis en twee stadsraadslede van Kaapstad, JP Smith en Grant Twigg.
Die kongresgangers het die provinsiale wetgewerlid Lorraine Botha en die Kaapstadse stadsraadslede Peter Helfrich, Carl Pophaim en Zimkitha Sulelo tot die vier bykomende lede van die provinsiale DA-leierskap verkies.
Hoekom is die swart leier van die DA in die Wes-Kaap nie die premier van die DA-beheerde Wes-Kaap nie? Hoekom is ‘n wit DA lid dan premier? Vreemde optrede komende van ‘n party wat gestem het VIR regstellende aksie en BEE.
Die DA met hulle 3 ondersteuners.Maak dit saak wie kies wie en waar ?