Wes-Kaapse LUR vas oor spoed

Argieffoto Foto: mistanarmo.deviantart.com

Argieffoto Foto: mistanarmo.deviantart.com

ʼn Wes-Kaapse LUR is in hegtenis geneem nadat hy glo die spoedbeperking op die N1 naby Midrand in Gauteng oortree het.

“Die LUR het Sondagoggend vroeg teen 207 km/h in ʼn 120 km/h-sone gery,” het hoofsuperintendent Wayne Minnaar, woordvoerder van die Johannesburgse metropolisie, gesê. “Hy het daarna versuim om stil te hou toe metropolisiebeamptes hom agternagesit het.”

Volgens Minnaar is die LUR in sy goudkleurige Bentley uiteindelik in Corlett-rylaan aangekeer. “Hy is onmiddellik in hegtenis geneem en staan tereg op aanklag van roekelose of nalatige bestuur,” het Minnaar bygevoeg. “Hy is na die Midrand-polisiestasie geneem waar hy later vrygelaat is op borgtog van R1 500.”

Hy sal Woensdag in die Randburg-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

scalla ·

nogal in n bentley, waarheen die haas in die vroee oggendure, hulle is mos altyd laat, gevaar vir die pad en mede gebruikers, vat sy lisensie weg asb!!

Kosie ·

Dit gaan goed daar in die Kaap onder die DA dat ‘n LUR ‘n Bentley kan bekostig.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.