Wes-Kaapse regering weier gebruik van ivermektien

AfriForum het die departement tot Donderdag om 08:00 gegee om sy besluit te herroep. (Argieffoto: Luis Robayo/AFP)

Die burgerregtegroep AfriForum het die Wes-Kaapse departement van gesondheid tot Donderdag om 08:00 gegee om sy besluit om nié ivermektien in sy staatsinstellings beskikbaar te stel nie, te herroep.

Die organisasie sê dit het onder sy aandag gekom dat die departement weier om die middel as voorkoming teen en vir die behandeling van Covid-19 te gebruik.

Die Wes-Kaapse departement van gesondheid sê in ʼn omsendskrywe hy neem kennis van die Suid-Afrikaanse Reguleringsowerheid vir Gesondheidsprodukte (Sahpra)  se besluit, maar in die afwesigheid van bewyse oor die veiligheid en doeltreffendheid van die middel, gaan ivermektien nie in die Wes-Kaap in die staatsektor beskikbaar gestel word nie.

Die departement sê die gebruik van ivermektien gaan in hierdie stadium net binne die konteks van kliniese proewe oorweeg word.

AfriForum het vroeër ʼn hofbevel bekom wat bepaal dat enigiemand ivermektien mag gebruik.

Die bevel kom nadat Sahpra toestemming gegee het dat die middel weens deernisredes en op ʼn beheerde grondslag gebruik mag word.

Die bevel bepaal ook dat mediese dokters geregtig is om by Sahpra aansoek te doen om ivermektien vir pasiënte voor te skryf en dat dokters ivermektien tydens ʼn noodgeval mag toedien gelyklopend met die indiening van ʼn aansoek daarvoor by die raad.

In sy brief aan die departement sê AfriForum egter die besluit is ʼn oortreding van die hofbevel en boonop nie in die beste belang van die provinsie se inwoners nie.

AfriForum voer ook aan die besluit is diskriminerend omdat toegang tot medisyne wat moontlik ʼn lewe kan red nou beperk word tot diegene met toegang tot private gesondheidsorg.

“Die Wes-Kaapse gesondheidsdepartement verontagsaam blatant ’n hofbevel en tree met hierdie besluit nie in die belang van pasiënte op nie. Hy diskrimineer ook teen diegene wat nie toegang tot private mediese dienste het nie,” sê Barend Uys, hoof van navorsing by AfriForum.

“Ivermektien is reeds vir dekades in gebruik en kan moontlik die las verlig wat gesondheidswerkers tans ervaar. Ons doen daarom ’n dringende beroep op die departement om sy besluit te herroep.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Dries

ANC light

Hydi

Blah-blah-blah!!!

Estelle

N familielid van my het tans Covid. Dit affekteer haar bloeddruk geweldig. Dan gebruik sy die ivermektien en binne 20 minute is haar bloeddruk weer normaal. Terloops sy is in die Wes Kaap. Dit help definitief vir haar.

MakersMark

Ha ha kyk watookal werk as Ivermektien gedurende die tydperk van infeksie veral tot met dag 7 die virale lading minder maak sodat die groot organe nie vanaf dag10 skade kry nie sal ek dit ook vat. Maar soos jy sê nie die veedip version nie….. dit het die merk van die dier….

Lood

Hulle weet dit werk. Hulle probleem as hulle dit gebruik is dat niemand gaan belangstel in die sg. entstof nie.