Wetsontwerp aanvaar wat haatspraak, haatmisdaad kriminaliseer

Argieffoto.

Die Suid-Afrikaanse kabinet het Donderdag aangekondig dat hy ʼn wetsontwerp goedgekeur het wat haatmisdade en haatspraak sal kriminaliseer.

Die Wet op die Voorkoming en Bekamping van Haatmisdaad en Haatspraak sal nou na die parlement gestuur word vir finale verwerking.

John Jeffery, die adjunkminister van justisie, sê dié besluit is gemaak omdat voorvalle van rassisme en rassediskriminasie te veel in Suid-Afrika voorkom. “Ons is vol vertroue dat die wetsontwerp, wanneer dit finaal goedgekeur is, sal bydra tot die bekamping van rassisme en alle vorme van diskriminasie in ons land,” sê hy.

Jeffery het ontken dat die proses om dié wetsontwerp vir goedkeuring voor te lê, vertraag is. “Niemand kan stry dat die wetsontwerp uiters kompleks en sensitief is nie. Dit het noukeurige oorweging gevat wat op sy beurt tyd vat.”

Hy sê die oorspronklike wetsontwerp het meer as 75 845 reaksies uitgelok en dat al dié reaksies en bekommernisse, ook dié wat laat ingedien is, in ag geneem is. Volgens hom is die wetsontwerp na dié proses eers aangepas.

Jeffery sê die kriteria vir iets om as haatspraak gedefinieer te word, is onder meer “aansienlik verander”.

“Die kwalifiserende kriteria vir haatspraak is ʼn duidelike voorneme om skade te berokken of aan te moedig, te bevorder en te versprei op grond van ouderdom, albinisme, geboorte, kleur, kultuur, gestremdheid, etniese of sosiale oorsprong, geslagsidentiteit, MIV-status, taal, nasionaliteit, immigrant- of vlugtelingstatus, ras, godsdiens of geslag – wat seksuele oriëntasie insluit,” sê hy.

Die hersiene wetsontwerp sluit alles uit wat gedoen is in die naam van bona fide artistieke kreatiwiteit, enige ander vorm van uitdrukking, akademiese of wetenskaplike ondersoek of regverdige en akkurate verslagdoening of kommentaar in die openbare belang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Ebrn

Sal die eetgewing ook op Zuma en Malema van van toepassing wees?

Allan Sinclair

Die ontwerp is goed so. Maar soos altyd moet die wet gelyk toegepas word. Kan sommige politisie weg kom met enige uitsprake en liedjies. No one is above the law or are ” some more equal than others”

Andre

Met Jefferey aan die voorpunt hier, wonder ek of hierdie wet op alle bevolkingsgroepe van toepassing gaan wees? Die antwoord is voor die hand liggend.

Jan

Dit klink my ma Malema and sons kwalifiseer

Milan

Indien hulle die wet konsekwent gaan toepas, gaan Julius Malema die eerste een wees wat vervolg gaan word.