Wetsontwerp oor onteiening eers teruggetrek

Jeremy Cronin, adjunkminister van openbare werke. Foto: Flicr/GovernmentZA

Die ANC het vanoggend in die parlement onverwags voorgestel dat die huidige wetsontwerp oor onteiening, wat al vier jaar voor die parlement sloer, teruggetrek word.

Die adjunkminister van openbare werke, Jeremy Cronin, het die voorstel namens die kabinet gemaak in die parlementêre portefeuljekomitee oor openbare werke.

Die huidige wetsontwerp is nie dieselfde as die parlementêre proses oor onteiening sonder vergoeding wat tans aan die gang is nie. Cronin het gesê dat die kwessies waaroor die wetsontwerp handel en die kwessies waaroor die grondwetlike hersieningskomitee besin, nie dieselfde is nie, maar wel baie oorvleuel.

Waar die grondwetlike hersieningskomitee slegs oor ’n moontlike verandering in die Grondwet besin om die onteiening van grond sonder vergoeding moontlik te maak, gaan dié wetsontwerp oor die onteiening van alle vorme van eiendom – selfs intellektuele eiendom – met vergoeding.

Cronin, wat een van die voorste en mees gerespekteerde intellektuele in die ANC en die SAKP is – het aangekondig dat die regering die wetsontwerp, wat besonderhede uiteensit vir onteiening met vergoeding binne die huidige grondwetlike raamwerk, binnekort weer met wysigings gaan indien.

Cronin het gesê die grondkwessie is baie polariserend, met wat die regering beskou as regse groepe, soos die burgerregtegroep Afriforum en die Amerikaanse president, Donald Trump, aan die een kant, en linkse groepe soos die EFF (hy het hulle nie by name genoem nie, maar verwys na “’n spesifieke party wat vandag afwesig is”) aan die ander kant.

“In die middel is die regering, wat ’n Suid-Afrikaanse oplossing probeer vind om grond meer toeganklik te maak en beleggings te lok,” het Cronin aangevoer, en dit onomwonde gestel dat die kabinet nie wil hê Suid-Afrika moet dieselfde weg as Zimbabwe volg nie.

Cronin het gevra dat gemoedere moet kalmeer en gesê dit is hoekom die regering die huidige wetsontwerp eers wil terugtrek. Die regering sal die gewysigde wetsontwerp op onteiening indien na afloop van die grondwetlike hersieningskomitee se verslag. Die gewysigde wetsontwerp sal dan ook aandui onder watter omstandighede onteiening sonder vergoeding mag plaasvind.

“Die wetgewing sal steeds alle vorme van eiendomsreg insluit, met klem op die grondwetlike vereistes dat dit regverdig en gelykmatig moet wees, en dat administratiewe geregtigheid moet geskied.

“Die kabinet wil graag art. 25 (8) en art. 36 (1) van die Grondwet in die voorgestelde wetgewing vervat,” het Cronin gesê.

Art. 25 (8) is ’n deel van die eiendomsklousule wat bepaal dat “geen bepaling in hierdie klousule die staat daarvan mag weerhou om wetgewende en ander maatreëls daar te stel om hervorming betreffende grond, water of verwante aspekte te onderneem nie, ten einde die gevolge van rassediskriminasie van die verlede reg te stel nie, met dien verstande dat dit onderhewig is aan die bepalings van art. 36 (1)”.

Art. 36 (1) handel oor die beperking van regte en bepaal dat “die regte vervat in die handves van regte slegs kragtens wetgewing beperk mag word indien dit redelik en regverdigbaar is in ’n oop, demokratiese samelewinggebaseer om menswaardigheid, gelykheid en vryheid, in ag genome alle relevante faktore insluitend die aard van die reg, die belang en doel van die beperking, die aard en omvang van die beperking, die verhouding tussen die beperking en die doelwit daarvan en minder gestrenge maniere om die doelwit te bereik”.

Cronin het in die vooruitsig gestel dat die nuwe wetsontwerp spoedig ingedien sal word, met ’n paar veranderings. Die doelwit is om dit reeds teen die einde van aanstaande maand te doen, mits die grondwetlike hersieningskomitee se werk teen dan afgehandel is.

Die doelwit is dat die kabinet dan die wetsontwerp vir openbare kommentaar sal indien, en drie maande sal toelaat vir openbare kommentaar, sodat daardie proses teen die einde van Desember afgehandel is.

Dit sal dan aan die nuwe parlement wat in volgende jaar se verkiesing aangewys sal word, oorgelaat word om die wetgewing af te handel, het Cronin gesê.

In die afwesigheid van die EFF was die ander politieke partye grootliks positief (die DA het sy regte voorbehou), maar dit was duidelik dat onenigheid in die ANC oor die grondkwessie steeds voortbestaan toe die invloedryke voorsitter van die portefeuljekomitee en ANC-LP Humphrey Mmemezi gesê het dis belangrik dat stabiliteit moet heers en Suid-Afrika nie die pad van Zimbabwe moet loop nie, maar terselfdertyd “kan die een groep wat al die voordeel uit apartheid getrek het, nie ook al die voordeel onder die demokratiese regering trek nie”.

Die portefeuljekomitee het dus aan die speaker aanbeveel dat die wetsontwerp wat tans voor die parlement is teruggetrek word, met dien verstande dat dit weer binnekort met wysigings ingedien sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

28 Kommentare

Rynhardt ·

Jeremy Cronin van SAKP is soos gewoonlik voor in die koor met wetsontwerp!Daardie wetsontwerp moet mooi bewerk word om nog beter uitbuiting op n uitgeslape manier te verseker!🙈🙈🙉🙉🙊🙊

Paul ·

Voor julle nou weer aanjaag, ek sal ‘n nuwe een opstel, verniet, dit sal julle nie ‘n sent kos nie.

Christo Meintjes ·

Moenie julle blindstaan oor die gebeurtenis nie. Die is net oë verblindery . Die ANC sal doen wat hulle van plan is om te doen en dit is om om in totale beheer te wees van elke burger in Suid Afrika en dit sluit in grond onteiening sonder vergoeding.

Kapenaar ·

Tog interessant om te sien hoe die ANC begin terug skarrel nadat druk van die buiteland begin opbou. Moet die sosialiste/komministe net nooit vertrou nie!!!! Ek se dit vir Agri SA ook. Die mense is nie ons vriende nie. Vermeeder die druk en kry so veel buitelandse druk soos moontlik.

MYNHARDT ·

Ek stem. Nou is die tyd om wakker te wees en meer druk uit te oefen.

Lerato ·

Daar is 4 honde wat baklei om n been.
Die DA, die EFF, die Zumaniete in die parlement, die gematigdes aan Ramaphosa se kant.

Die been waaroor hulle veg is die stem van die kiesers in 2019.

Ek twyfel of ons voor die verkiesing klarigheid gaan kry oor die grond kwessie

Alida ·

Kom ons kyk wat gebeur. Die magtigste man in die wereld het hulle nou onder oe en hulle is bang vir hom met goeie rede ook.

Al ·

Apartheid is ñ kwarteeu al verby. Kolonialisme – CR nou hand om die blaas met Teresa May -tog was Brittanje deel van SA se kolonialisering.

Al ·

Die ANC was nog nooit goed met somme nie.
Teresa May het vandag gesê met SA se populasie syfer sal daar 50 000 werksgeleenthede per dag geskep moet word.
Die ANC en EFF en Kie is mos blind vir die onaanvaarbare hoë getalle.

Jaco ·

As Cronin net die SA regering in die rigting kan stuur om SA te regeer soos wat sy mede-kommuniste Oos-Duitsland geregeer het, sal dinge ook baie beter gaan. Daardie land was totaal en al sonder onder andere die volgende:
-Nkandla tipe verryking van politici
-Misdaad soos in SA
-Plakkerskampe
-Werkloosheid
-5 miljoen onwettige immigrante
-Vuil staatshospitale
-Swak lae standaard onderwys

Gerhard ·

So die wet wat jou onteien met vergoeding is terug getrek en sal vervang word met ‘n wet wat jou onteien (waarskynlik) sonder vergoeding en dit is onverwags? Dit lyk selfs sommige dink dit is ‘n stap terug? Genade!

bgj van der westhuizen ·

pas op wat hulle nou te voor gaan kom alles net om die wit mense oog klap op te sit moet nie die anc vertrou nie

Lou ·

As die ANC en EFF net kan besef dat grondbesit is nie = outomatiese rykdom en welstand nie…..

Judge Dredd ·

Word wakker – die ANC gebruik nog steeds mooi woordjies/bedoelings om hulle duistere planne uit te voer.

jakes ·

Die ANC kannie vertrou word nie. Daar is n paar faksies binne die party met hul eie agendas. Max du Preez leef in n droomwereld as hy meen dat mense paniek saai. CR is n pion in die ANC en moet heeltyd sy stories verander om sy bondgenote tevrede te stel. Sy leierskap laat veel te wense oor en hy praat uit twee monde. Jeremy Cronin se uitsprake veral moet met n knippie sout geneem word.

Blue Butterfly ·

Soos julle kan sien, beplan die ANC nie NET om plase te onteien nie maar ENIGE EIENDOM wat hulle goed dink. So mense kan hulle beleggings, aandele, spaargeld, ens kwyt wees indien daar suksesvol voortgegaan word met hierdie wetgewing. Weereens gaan daar (‘n klug) van openbare verhore wees sodat hulle met vroom gesiggies aan die wereld kan verkondig dat dit ‘n deursigtige en regverdige proses was.

Groenie ·

Die verkiesing kom nader en die politieke partye maak allerhande beloftes om stemme te kry MAAR die groot probleem in SA is dat in terme van sy beskikbare bronne SA oorbevolk is en niemand rep ‘n woord daaroor nie.

Matthias Doppenschmied ·

daar is genoeg !
mits dit reg aangewend en bestuur word !

Daan Du Plessis ·

En intussen gaan die plaasmoorde en ander moorde voort en BEE en alles wat daarmee gepaartgaan.

Niel ·

dus te meer rede dat mense bv VF+ moet stem dat daar meer manne/vrouens is wat in die regering is en teenwoordig is met vergaderings om uit te kyk vir ons, en seker te maak daar word nie gekonkel. Dus meer rede dat mense moet wakker skrik en VF+ stem. As ek so lees hier en daar druk VF+ ook die regering, en word daar uitgekyk vir ons belange. sekere partye het reeds gewys hulle is nie betroubaar nie.

jaco ·

1 miljoen mense het nee gestem in 1992 se referendum. dit was maar almal mense wat gedink het soos die Vryheidsfront, wat 2 jaar later gestig is en wat deel was van die 1994 verkiesing. Net 425 000 mense het egter in 1994 vir die VF gestem. So iewers is meer as die helfte van 1992 se nee stemmers landuit of dood of almal oor na die Nasionale Party. Ek betwyfel dit alles ten sterkste. In verdere verkiesings het die VF-Plus steeds minder stemme gekry: in 2014 was dit skaars 170 000.
Dis totaal onmoontlik dat ‘n paar honderdduisend wit meestal afrikanermense almal weg is uit SA of almal tans DA stem. Wat ek wel weet is wat ek al by BAIE mense gehoor het wat tot in 1992 se referendum nee gestem het en altyd polities regs/konserwatief was: “ons stem nie meer nie, want ons het ons kans gehad. Dis nou ‘hulle’ kans”.
En so grawe ons EIE mense met ons apatie en gebrek aan belangstelling ons eie graf.

Hans ·

Die terugtrekking is net ‘n rookskerm terwyl me May in die land was.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.