Wetstoepassers gewaarsku ná ses kollegas se inhegtenisnemings

Een van die polisielede wat vir beweerde korrupsie in hegtenis geneem is. (Foto: verskaf)

Die Valke in Mpumalanga sê nóg inhegtenisnemings kan volg op dié van ses wetstoepassers Vrydag in die provinsie.

Verkeersbeamptes Khethiwe Mkhabela (42) en Lucky Mabena (37), asook David Mahlare Ntuli (34), ʼn polisielid, het reeds in die landdroshof op Komatipoort op aanklagte van korrupsie verskyn.

Hulle is vrygelaat op borgtog van R1 000 elk en moet weer op 12 Julie in die hof verskyn, het kapt. Dineo Sekgotodi, woordvoerder van die Valke, gesê.

Nog twee persone, twee verkeersbeamptes en ʼn polisiesersant, sal Maandag in die landdroshof op Middelburg en Belfast verskyn.

Die ses het sedert April vanjaar glo omkoopgeld van motoriste op die N4-hoofweg, tussen Komatipoort en Middelburg, geneem.

Die Valke het saam met die Padverkeerbestuurskorporasie en die nasionale verkeerspolisie se teenkorrupsie-eenheid gewerk om bewyse teen hulle in te samel.

“Daar is tydens die twee maande lange ondersoek vasgestel die verdagtes eis straffeloos omkoopgeld van niksvermoedende toeriste. As hulle nié omkoopgeld betaal nie, is hulle in hegtenis geneem,” het Sekgotodi gesê.

Brig. Obed Ngwenya, waarnemende hoof van die Valke in Mpumalanga, het ander wetstoepassers gewaarsku teen misdadige optrede.

“Korrupsie ondermyn die oppergesag van die reg. Ons is vasbeslote om korrupsie te beveg waar dit ook al kop uitsteek. Ons hoop die inhegtenisneming van die ses lede stuur ʼn sterk boodskap aan kollegas dat korrupsie nie geduld gaan word nie,” het Ngwenya gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Strandloper

Braaiers!!!

Netso

Sal interesant wees om te weet of hulle nog salarise ontvang? Sal my nie verbaas as hulle eenvoudig net aangaan as Polisie beamptes asof niks gebeur het nie? Hierdie is inelkgeval net die punt van die korupte wetstoepassings ysberg volgens my!

SjN

Die ander is op die stadium nog lucky, behalwe die regte Lucky.

marous

R1000 Borg ? Hulle maak dit in vyftien minute en laat moordenaars wegkom . Waarom spring fakile nie hieroor op en af nie?

Spike

Weet nie hoekom word hulle gevang nie. In afrika tel agteraf landse wette.