Wildvanger erg verniel in wrede plaasaanval

Argieffoto: Reint Dykema

Argieffoto: Reint Dykema

’n Wildvanger en sy vriendin is Saterdagoggend helder oordag wreed aangeval by ’n lodge in die Beestekraal-omgewing in Noordwes.

Eddie Kritzinger (44) en Audrey van der Merwe (50) is omstreeks 10:00 by hul huis oorval terwyl sy wasgoed opgehang het en Eddie die boorgatpomp in ’n buitekamer gaan aanskakel het.

Hennie Klopper, eienaar van die lodge, het gesê Eddie is erg verniel. Hy moes steke aan sy kop kry en sy liggaam is oortrek van rou wonde soos die aanvallers hom oor die sement rondgesleep het. “Hy het hom teëgesit, maar die drie was te veel vir hom. Hulle het hom baie seergemaak.”

Volgens Klopper is daar groot kommer in die gemeenskap oor die hoeveelheid rondlopers in die omgewing. Gedurende die Paasnaweek het verdagtes die drade geknip en deurgekruip om toegang tot die lodge te kry. Verskeie gaste se besittings, waaronder selfone, kameras en skootrekenaars, is gesteel.

“Ons is weerloos en magteloos. Iemand het onlangs ook by ons bure ingebreek, waar die boosdoeners met vuurwapens weggekom het.” Klopper het gesê hulle kry goeie samewerking van die polisie en hy hoop die verdagtes word gou aangekeer.

“Dit maak mens egter moedeloos as daar soveel aanvalle in jou omgewing is. Jy wonder elke keer wanneer dit jou beurt gaan wees.” Volgens Klopper was die lodge sy groot droom om ’n plekkie in die natuur van sy eie te hê. “Ek weet egter nie of dit die moeite werd is nie. Ek dink maar daaraan of dit nie beter sal wees om te emigreer nie.”

Die aanval op Kritzinger en sy vriendin is een van drie in die omgewing die afgelope naweek. Monique van den Berg (24) het skedelbreuk en breinbloeding opgedoen en haar man, Christo (26), is in die been geskiet nadat twee aanvallers hulle op ʼn plaas net buite Rustenburg oorval het. Nog ʼn egpaar is Vrydagaand op ʼn plaas in die Elandskraal-omgewing buite Mooinooi deur sewe gewapende rowers oorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Ben

Ek dink ons kan hierdie verskerpte toename in plaas aanvalle voor die deur van die EFF en sy leier Mal emma le
Sy uitsprake is erg rassisties en gee eintlik goekeuring aan wetteloosheid veral teen witmense
Iemand sal hom tot verantwoording moet bring

irene

Stem saam met jou Ben dis Malema maar moet nie regering se mense vergeet nie
al die negatiewe dinge net wit en afrikaans is op hul lys

Greg

Nog n dag, nog tien aanvalle op ons mense! Nie meer vreemd nie!
VOLKSMOORD word goedgekeur!

Dra julle wapens by julle elke dag en nag!

Gerhardt

Kom ons begin prakties. As ‘n persoon buite jou kultuur bedel, hou op gee, hou op help, help jou eie mense. Hou op meer doen en betaal as wat nodig is. Gee ou goed vir jou eie mense. Doen jou eie huis en tuin, of leef bietjie vuiler. Leer jou eie mense in jou eie taal, moenie die vyand bemagtig nie. Hou op om hulle jammer te kry. Help jou eie mense.

pieter

Ek stem saam met Gerhard. Se dit soos dit is: ons wit mense is sleg en is verantwoordelik vir al die huidige regering se gemors. Ons word barbaars vermoor soos vliee . Dit is tyd dat ons ophou aan die arme minderbevoortiges te gee en altyd hulle te moet ondersteun. Na soveel jare is dit nog steeds die wittes wat aan hulle werk moet gee. Ondersteun eerder ons eie arm mense. Kanse is 1000% dat hulle jou nie sal vermoor nie.