(Argieffoto: Bill Oxford/Unsplash)
ʼn Vermeende rower wat ʼn supermark in Rosedale in Kamesh in die Oos-Kaap wou beroof, het sy moses teëgekom nadat die winkelbestuurder hom platgeduik en in hegtenis geneem het.
Kol. Priscilla Naidu, polisiewoordvoerder, sê die verdagte het omstreeks 10:00 die winkel in Bloekomboomstraat binnegekom, na ʼn werknemer gestap en die 44-jarige vrou in die nek gesteek.
ʼn Klant (31) wat haar te hulp probeer snel het, is in die bors gesteek.
“Die verdagte het oor die toonbank gespring en toe hy sukkel om die kasregister oop te maak, het die bestuurder hom geduik. Ander werkers het gehelp en die verdagte is in hegtenis geneem en met hul aankoms aan die polisie oorhandig,” sê Naidu.
Die twee mense wat beseer is, is na ʼn hospitaal vir behandeling geneem.
Die verdagte is aangehou op ʼn aanklag van poging tot ʼn sakerooftog en poging tot moord. Hy verskyn na verwagting Maandag in die Uitenhage-landdroshof.
Ja en in hierdie mal land gaan die winkel eienaar seker ondersoek vir “assault” LOL
Hoop nie so nie, het sy eiendom en werkers beskerm..
Laat die saak vinnig sy loop loop….geen borg
Wonder net ofcdie Winkelbestuurder vir aanranding
Azngeklz gazn word
Vermeende rower moet sommer lank gemeenskapsdiens doen
Wel gedaan aan die winkelbestuurder en die brawe vrou wat die ander een gehelp het.
Gee hom ‘n Bells !
Nee wat, more loop hierdie skurk alweer skotvry buite rond, verder besig om kriminele dade te pleeg.
Dis mos die land van melk en heuning, daarom miljoene onwettige immigrante hier is.
Bravo! Kom trek asseblief hierdie Kameelperd mishandelaars plat!