Argieffoto
’n Beweerde winkeldief is dood nadat hy Maandag buite Lichtenburg in Noordwes gestenig en aan die brand gesteek is.
Brig. Sabata Mokgwabone, woordvoerder van die polisie, het gesê die polisie het gister omstreeks 07:45 ’n klagte van ’n sakeroof by ’n snoepwinkel in Barkerville ontvang. Luidens inligting ontvang het die winkeleienaar net die winkel oopgesluit toe verskeie verdagtes hom voorgekeer het.
Die verdagtes het die eienaar na bewering van selfone en kontant beroof voordat hulle in ’n wit Toyota Corolla op die vlug geslaan het.
Lede van die gemeenskap het die eienaar hoor skree waarna hulle die verdagtes agternagesit het.
Volgens Mokgwabone word daar in dié stadium beweer dat lede van die gemeenskap een van die verdagtes in die wegkommotor, wat nie ver daarvandaan geparkeer was, voorgekeer het. Hulle het hom toe met klippe bestook en aan die brand gesteek.
Die voorval is ook op kamera vasgevang en op sosialemediaplatforms versprei.
“Toe die polisie reageer op die klag van sakeroof en by die toneel opdaag, is hulle deur gewelddadige lede van die gemeenskap gekonfronteer wat die verdagtes se voertuig na bewering aan die brand gesteek het,” verduidelik Mokgwabone.
Twee van die verdagtes, onderskeidelik 37 en 46 jaar oud, is in hegtenis geneem. ’n Soektog na die ander verdagtes duur voort.
Volgens Mokgwabone is ’n afsonderlike saak van moord geopen en niemand is nog in hegtenis geneem nie.
Lt.genl. Baile Motswenyane, provinsiale polisiekommissaris, het die voorval van boendoegeweld veroordeel.
Sy het die publiek gewaarsku dat dit onwettig is om reg in eie hande te neem en dat voorvalle van dié aard nie geduld sal word nie.
“Die publiek moet verstaan en aanvaar dat hoewel ons hul steun nodig het in die stryd teen misdaad, die oppergesag van die reg altyd toegepas en gehoorsaam moet word. Om iemand se lewe te neem is ʼn kriminele daad en strafbaar met die wet. Die voorval van boendoegeweld wat Maandag in Bakerville plaasgevind het, kan nie toegelaat word nie,” het Motswenyane gesê.
As die publiek nie reg in eie hande neem nie vind daar geen reg plaas nie!
Mooi! Dis al hoe hierdie misdadigers gaan stop! Die publiek is al mooi keelvol.
Mooi so. Dit is die manier hoe dinge gedoen moet word.
Ek stem 110% saam gee die oortreder vir die publiek dat hul met hom werk
Hulle sien die polisie vat hulle tyd en as die oortreder gevang word, word hy ‘n dag later weer vrygelaat en moor of roof die volgende persoon… mens kan hulle nie eintlik kwalik neem as hulle reg in eie hande neem nie!!
Well gedaan aan die publiek mooi so
Ek sal dit opreg waardeer as julle op dieselfde trant aangaan met die moordenaars en verkragters, asseblief to en dankie!
Kan z se saak ook nie maar vir hulle gegee word nie? Die regbank het mos al sy geloofwaardigheid verloor.
Welgedaan gemeenskap!
Ek neem aan tenminste een probleem in die samelewing is minder, daai ander twee wat weg gekom het wens seker nou dat hulle maar gearresteer is want die gemeenskap mag hulle dalk net agter die bos gaan uithaal voor hulle saam hul makker die ewigheid in reis.
en nous julle moordenaars, so julle moet ook gestening en aan die brand gesteek word…en so gaan die sirkel.
As jy iemand kan dood stening en aan die brand steek, is daar min wat jy nie sal doen nie. En hoort ook agter tralies.
Naiewe mense. Die optrede word net toegepas waar hulle mense betrokke is. Julle sal geen hulp kry van hulle al skree jy ook hoe hard.
Werk hard met n misdadiger is al wat hy ken ,geweld
Ek sien in die reaksies hierbo, verskuilde woede teenoor misdadigers, en ander wets oortreders.
Maar was dit regtig nodig om die man eers te stenig en dan aan die brand te steek dis wreed!
Wonder maar net hoe lank soek die man dalk al werk, hoe lanklaas het hy n behoorlike maaltyd gehad ens. Ons moet die regering verantwoordelik hoe vir sy en sy makkers se optrede. Ek weet dis nie regverdig nie, maar dis hoogtyd dat daar werk vir mense geskep word sodat hulle kan trots wees op wat hulle op hulle eie vermag het. Moenie oordeel nie.
Uitstekend. En moenie dink een van die mense wat geregtigheid toegepas het sal in tronk beland nie. Almal is moeg vir die misdaad.
Is dit nie n uitvloeisel van praat en praat en soebat en ly onder sulke omstandighede wat wanhopiges tot so iets dryf nie ,daar is omstandighede wat mense daarheen dryf tot latere spyt.
Ek kan nie my gevoellens onderdruk nie!
Ek is al klaar op pad Lichtenburg toe met ‘n kas Bells vir die gemeente. Daar is ons nou ‘n hof saak, en vry board en lodging in ‘n tronk gespaar!