Winkelsentrum gesluit weens EFF-betoging

Betogers by die Berg-winkelsentrum in Bergbron in die weste van Johannesburg. (Foto: Facebook/Suburban Control Centre)

’n Winkelsentrum in die weste van Johannesburg is Dinsdag gesluit omdat lede van die EFF nou reeds dae lank by dié winkelsentrum betoog.

Die betoging spruit na bewering uit ’n loondispuut met Spar in Die Berg-winkelsentrum in Bergbron. Die dispuut kom glo al ’n paar weke, maar betogings het die naweek opgevlam.

Nie net word dié betrokke Spar nou genoodsaak om te sluit nie, maar ook die ander winkels in die winkelsentrum terwyl lede van die polisie en veiligheidsmaatskappye die situasie monitor.

Okkie Nel van National Security and Fire het Dinsdagoggend aan Maroela Media gesê ’n groep betogers het die naweek vreedsaam begin betoog, maar die groep het intussen oproerig begin raak.

Volgens Nel is winkeltrollies Maandag gebreek en aan die brand gesteek en asblikke is omgegooi. Betogers het ook onder meer gholfstokke en stokke byderhand.

Clive Maher van SCP Security sê geen groot skade is egter aan die winkelsentrum aangerig nie.

Soos Maher verstaan is die betogers in ’n loondispuut met die plaaslike Spar gewikkel terwyl hulle ook ongelukkig is oor “regstellende aksie” wat die bestuur en eienaarskap van die winkel betref.

Die bestuur van dié winkel het by navraag gesê hulle wil in dié stadium geen kommentaar lewer nie.

Maroela Media het ’n navraag aan die EFF in Gauteng en die polisie gestuur en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Persheks Adri

Iemand al gearresteer en hoekom het die polisie nie water kanonne nie? O nee kyk ek’t nie meer woorde vir die petters nie alles moet volgens hulle BEE wees gggmmmfff

Genis

Weer lekker besig met hulle winter sport! Brand, en verwoes… Waar is die polisie? Of is daar nie KFC in die sentrum nie?

Dup

Breek af,vernietig en verwoes.Is dit AL wat hulle kan doen om daagliks in die strate rond te hop?

Francois Le Cochon

Laat die EFF vir die skade betaal. ‘n Hof het beslis dat die EFF R80,000.00 vir skade moet betaal vir hul Brackenfell HS se betogings.

Kokerboom

Ek skaam my vir die onbevoegde patetiese SAPS!!!