Argieffoto
Agt mans is in hegtenis geneem ná ʼn skietery by ʼn winkelsentrum in die suide van Johannesburg vier mans se lewens geëis het.
Lt.kol. Lungelo Dlamini het gesê die mans is Maandag in hegtenis geneem na ʼn oor-en-weer skietery by die Palm Springs-winkelsentrum in Evaton.
“Lede van twee taxiverenigings het vroeër die dag by die winkelsentrum opgedaag en op mekaar losgebrand,” het Dlamini in ʼn verklaring gesê. “Van die verdagtes is geskiet en gewond en is onder polisiebewaking in die Sebokeng-hospitaal.” Van die verdagtes sluit veiligheidswagte wat vir ʼn plaaslike taxivereniging werk, in.
“Die polisie het beslag gelê op elf vuurwapens,” het hy bygevoeg. Die polisie het ook vier minibustaxi’s gekonfiskeer.
Dlamini het gesê die ondersoek duur voort en meer inhegtenisnemings word verwag. Die polisie monitor die situasie.
Ek dink daar kort ‘n “wat” in die eerste sin.