Winnie Rust-moord: ‘Sy het so reg geleef en so verkeerd gesterf’

Winnie Rust

Winnie Rust

Die gemeenskap van Wellington in die Wes-Kaap is steeds in skok na die moord op die geliefde skrywer en jarelange inwoner Winnie Rust (77).

Winnie Nel, Rust se dogter, het aan Maroela Media gesê haar ma was ʼn formidabele vrou wat die gemeenskap met haar talente gedien het. “Sy het na mense geluister en hulle vereer deur hulle verhale neer te skryf. Sy was vriende met almal. Sy was mev. Wellington, ʼn absolute besonderse vrou. Sy het so reg geleef en so verkeerd gesterf.”

Rust, wat vir nagenoeg 60 jaar in Wellington gewoon het, se liggaam is Woensdagmiddag deur haar man, dr. Manie Rust (84), in hul huis in Uitsig gevind.

Konst. Noloyiso Rwezana, woordvoerder van die polisie, het gesê Rust se liggaam is in die kombuis gevind en sy het beserings aan haar gesig gehad en haar hande en voete was vasgebind. “’n Nadoodse ondersoek sal gedoen word om die oorsaak van haar dood te bepaal. Die motief vir die moord is nog nie bekend nie.” Rwexana het gesê niemand is nog in hegtenis geneem nie.

Die huis waarin Rust vermoor is. Foto: facebook

Die huis waarin Rust vermoor is. Foto: facebook

Rust laat, behalwe vir haar man, drie dogters, ʼn seun en ses kleinkinders agter. Sy was internasionaal bekend vir haar skryfwerk. Sy is in 2005 vir die Jan Rabie-Rapport-prys benoem vir haar boek Martha – ‘n Verhaal oor Martha Solomons, Countess of Stamford.

Die politieke party Front Nasionaal het sy skok en afsku uitgespreek na die moord. “Me Rust was die dogter van dr. CP van der Merwe, jonger broer van die volkskrywer Boerneef. Beide haar vader en haar eggenoot is bekende karakters in die pensketse van PH Nortjé. Ons betuig ons opregte meelewing met Manie en die familie in die bede dat hulle vertroosting sal vind in hierdie dae,” het Daniel Lötter, woordvoerder van die party, gesê.

Enigiemand met inligting oor die moord word versoek om die ondersoekbeampte ao. Nico de Lange te kontak by 079 894 1710 of 021 864 9600.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Denise

So tragies en baie hartseer en so onodig die vrou is beroof van haar tyd saam met haar geliefdes en man !!!! Sterkte aan die familie!!!!

Karma

Die Polisie weet nie wat die motief vir die moord is nie? Werklik??? DIE ENIGSTE MOTIEF vir dié gruwelike daad is HEBSUG deur ONWETTIGE IMMIGRANTE VAN DONKER AFRIKA wat ons blankes en boere uit ons GEBOORTELAND wil dryf. Hulle wil hê wat ons het, waarvoor ons hard gewerk het, maar hulle wil nie werk nie – die vuil blikslaers!!!

Pieter

Daar is n gesegde wat se “with freedom comes responsibility”. Ongelukkig het ons n president wat glad geen verantwoordelikheid vir sy dade aanvaar en daarom dink die res van sy volgelinge dat hulle hoef ook nie verantwoordelikheid vir hulle dade te aanvaar en kan doen net wat hulle wil. Solank daar nie verantwoordelik aanvaar word vir wat jy doen en jy ander “faktore” blameer gaan dinge nie verander. Dit is daardie onverantwoordbaarheid wat veroorsaak dat hierdie sinnelose moorde gepleeg word en dat hulle dit nog probeer regverdig.

m

En so gaan al hierdie sinnelose moorde maar net elke dag aan en aan. Wanneer gaan dit stop. Kan die regering nie sien hier is n groot problem in hierdie land nie. Sterkte aan die familie .

Ivan

Weet iemand dalk hoe n’mens tewerk moet gaan om die Minister van polisie uit te daag om op openbare televisie n debat met n gewone landsburger te he, net om n paar vragies te vra en n paar eerlike antwoorde te kry.