Wits-eetstaking glo beëindig

Studente betoog by die Universiteit van die Witwatersrand (Wits). Foto: Bhekikhaya Mabaso/ANA

Die Universiteit van die Witwatersrand (Wits) se studenteraad (SR) het Vrydag bevestig ʼn groep betogende studente se hongerstaking is beëindig nadat hulle tot ʼn vergelyk met die universiteit gekom het.

Die studente het betoog weens ontevredenheid rakende studieskuld en akkommodasie.

Sisanda Mbolekwa, SR-president, sê die bestuur van die universiteit het ingestem om honderde studente wat finansieel sukkel te help met registrasie, akkommodasie en kos.

“Die Wits Hardship Fund Evaluation Committee, wat die SR-verteenwoordigers insluit, het in die afgelope twee weke altesaam 567 studente gehelp. Aan 220 studente is finansiering vir dringende akkommodasie verskaf en 347 terugkerende studente is toegelaat om te registreer,” het Mbolekwa gesê.

Sy sê daar is ook kos aan honderde studente gegee wat dit benodig.

Studente betoog by die Universiteit van die Witwatersrand (Wits). Foto: Bhekikhaya Mabaso/ANA

ʼn Groep studente by Wits het verlede week met ʼn hongerstaking begin weens ontevredenheid oor hul studieskuld. Hulle beweer die universiteit het voorheen ingestem dat studente met R100 000 skuld of minder toegelaat sal word om te registreer, maar dat hulle nou nie hul belofte wil nakom nie.

Die universiteit sê egter daar is nooit ingestem tot sodanige reëling nie. Volgens die universiteitsbestuur is daar al talle toegewings vir studente gemaak en doen die universiteit alles in sy vermoë om sukkelende studente te help. Die universiteit het Donderdag gesê hy is bereid om met die SR te onderhandel indien dit in goeder trou gedoen word. “Die universiteit is nie meer in ʼn posisie om doelstellings na te jaag wat kort-kort verander nie.”

Betogende studente het in die week lesings ontwrig, ʼn gebou by die universiteit beset en met veiligheidsbeamptes op kampus slaags geraak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Elria

Ek voel net as jy nie geld het nie Dan studeer jy net eenvoudig nie. Hulle wil alles verniet he. Jare gelede as jou ouers nie kon betaal vir studies nie Dan get jy nie gaan studeer nie. Hulle mors in elk geval net die geld. Die geld kan vir belangriker dinge aan gewend word.

Frikkie Geld en huis

Jammer dat hul so gou tou opgegooi het.

Lalie

So n bek moet jam kry

IK

Gee vir elkeen ‘n graad en die probleem is opgelos, Dit kan mos nie só moeilik wees?

Wdp

Verskil tussen gratis en verniet: hulle kan gratis swat maar dit is alles verniet