Universiteit van die Witwatersrand
“Die raad van die universiteit het ʼn gemiddelde verhoging van 8% vir klas- en koshuisgeldfooie aangekondig. Die verhoging is in ooreenstemming met die aanbevelings wat in September deur die regering gedoen is,” het Shirona Patel, woordvoerder van Wits, gesê.
Patel het gesê die voorstel rakende 2017 se verhoging in klasgeld is deur die bestuur van die universiteit en finansiële komitee gedoen waarna die raad dit goedgekeur het ná konsultasie met die studenteraad.
Volgens Patel het die universiteit geen ander keuse as om klasgeld te verhoog nie. “Ons moet dit doen om finansieel volhoubaar te wees aangesien akademici en professionele en administratiewe personeel betaal moet word, boeke en joernale aangekop moet word, rekeninge betaal moet word en infrastruktuur onderhou moet word.”
Volgens Patel sal die universiteit in 2017ook minder geld van die regering ontvang. “Die regering se vergoeding vir die 0%-verhoging in klasgeld vanjaar beloop ongeveer R146 miljoen. Ons is egter onlangs meegedeel dat die 2016-verhoging deel van die subsidie sal wees, wat beteken die subsidieverhoging vir 2017 sal slegs 2,5% wees. Dit is gelykstaande aan ʼn netto afname in inkomste van die staat van ongeveer R54 miljoen vir 2017.”
Universiteite regoor Suid-Afrika word sedert 19 September lamgelê nadat dr. Blade Nzimande, minister van hoër onderwys, aangekondig het dat universiteite self hul verhoging in klasgeld vir 2017 kan bepaal, maar dat dit nie meer as 8% moet wees nie.
Universiteite kan self verhoging bepaal. Staat skryf voor 8%. Ha ha ha!
Ek hoop Wits kan dit deurvoer.
gaan akademia waarmee almal so spog ook sy fooie verhoog?
Wat het dit met jou te doen? Studeer jy daar of gaan jou kinders daar studeer? AKADEMIA is ‘n privaatinstelling en was nog nooit deel van die FEESMUSTFALL beweging nie, daar is ook nie opruiende aktiviste wat daar studeer en aandring om niks te betaal nie. Dit is opgevoede kinders wat hulle geleerdheid wil bekom en lenings uitneem om daar te kan studeer,sommige werk deur die dag om hulle studies te kan bekostig aangesien hulle nie voltyds klasdraf nie. Mens kry niks vir niks. Hulle weet van die begin af hulle moet betaal en dat daar soos in enige organisasie elke jaar ‘n verhoging sal wees.
Ek dink al die betogers wat op kamera vasgevang is terwyl hulle afbreek, afbrand en beskadig, moet n ekstra 25% verhoging kry om vir die skade te betaal.
Baie goeie idee. Iets wat verseker sal werk.
Sjoe, gaan die onrus nou van voor af begin? Feesmustfall# nuttelose oefening…
wag ook maar tot meeste van die studente weg is voordat die verhoging aangekondig word. #GREED UST FALL
Snoefıe ek dınk dıt ıs ‘n goeıe taktıese skuıf. Dıe onluste sıtuasıe het momentum verloor en teen dıe tyd wat dıe fooıe betaalbaar raak, gaan daar duısende nuwe studente aansoek om toelatıng doen. Dıegene wat ernstıg ıs oor hul studıes sal betaal en dıe laatkommers gaan droëbek sıt. Dıt beteken nıe dat daar nıe protes gaan wees nıe maar dıe unıversıteıte het nou geleentheıd gehad om voorsorg daarteen te tref. Ons kan net hoop dat dıe hele gemors sommıge van dıe protesteerders se oë oopgemaak het. Daar sal uıteraard wrywıng wees maar ek glo dıe owerhede gaan dıé slag voorbereıd wees.
Die studente onrus gaan nie meer oor klasfooie nie, maar wel om die nasionale demokratiese revolusie op dreef te kry.
Daar is NIKS verniet in die lewe nie, slegs die lug wat mens inasem.
Hier gaat ons alweer. Is daar nog iets oor om af te brand of te beskadig??
Geen simpatie met WITS nie, laat die liberales mekaar opvreet!! Volgende jaar brand WITS . dis my voorspelling.
Vir wie/wat gaan die 8% verhoging geld. Vir diegene met ‘n inkomste bo R600, 000? Universiteite moet dit uiteensit en verduidelik. Onthou, studente kan nie somme maak nie.
Hulle maak seker al klaar tyres en vuurhoutjies bymekaar vir die dag as hulle moet betaal.
Sien in die sowetan nuus op die internet dat die bloed gaan vloei oor die verhoging