Wits-lesings wéér opgeskort

Studentebetogings op die Wits-kampus Dinsdag, 4 Oktober 2016. Foto: Twitter via @OnJourneyOf_

Studentebetogings op die Wits-kampus Dinsdag, 4 Oktober 2016. Foto: Twitter via @OnJourneyOf_

Die Universiteit van die Witwatersrand (Wits) het Dinsdag weereens akademiese bedrywighede by die universiteit opgeskort, dieselfde dag wat lesings by die instansie sou hervat.

Die universiteit het in ʼn verklaring gesê die bestuur het, in samewerking met voormalige leiers van die Black Students Society and Student Representative Council, ooreengekom om akademiese bedrywighede te staak om ruimte te laat vir onderhandelinge tussen die universiteit en die studente. “Om hierdie proses te laat voortgaan, het ons ooreengekom om die akademiese program op te skort met ʼn gemeenskaplike doel om op Maandag, 10 Oktober 2016 weer te begin,” het Wits in ʼn verklaring gesê.

Die universiteit het vroeër Dinsdag gesê ten spyte van die gewelddadige betogings Dinsdag op die kampus, sal klasse Woensdag weer voortgaan, aangesien ʼn groot aantal studente en personeellede graag wil terugkeer. Die universiteit het egter sy besluit verander en het gesê hy wil nie ʼn herhaling sien van die tonele wat Dinsdag op die kampus afgespeel het nie.

“Indien onderhandelinge ʼn oplossing tussen die onderskeie rolspelers teweeg kan bring, sal ons ʼn sterker universiteitsgemeenskap wees. Die studenteverteenwoordigers is toegewyd om ʼn oplossing te vind en die res van 2016 akademiese jaar te red,” het die universiteit gesê.

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Die universiteit het gesê hy het begrip daarvoor dat nie almal gelukkig is met die besluit nie, maar het gesê die bestuur glo indien ʼn oplossing tussen die universiteit en die betogende studente onderhandel kan word, sal dit in die breër belang van al die rolspelers wees en die 2016 akademiese jaar kan red.

Studente het Maandag gesê hulle sal nie toelaat dat Wits heropen totdat daar gehoor gegee word aan hul eis vir gratis onderwys nie, ten spyte van ʼn vorige ooreenkoms met die universiteitsbestuur dat lesings toegelaat sou word om Dinsdag te hervat. Gewelddadige tonele het hom Dinsdag op die kampus afgespeel met skokgranate en rubberkoeëls wat deur die polisie afgevuur is.

Die universiteit het gesê hulle het ingestem om die polisiebeamptes vanaf Woensdag na die rand van die kampus te onttrek, nadat al die partye onderneem het daar sal geen verdere geweld of intimidasie van personeel of ander studente wees nie.

Die betogers, wat nou dreig om die universiteit vir die res van die jaar te sluit, het meer as twee weke gelede begin nadat Blade Nzimande, die minister van hoër onderwys en onderrig, aangekondig het staatsuniversiteite kan self besluit oor die verhoging in studiefooie vir 2017, solank dit nie meer as 8% is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Malva

Hoeveel van die vandale is werklik studente by Wits, indien wel geregistreer waarskynlik nie eksamentoelating weens swak prestasie. Dus niks om te verloor.

Johann Marx

Daar is ‘n spreekwoord wat lui: Die leeu steur hom nie aan die bok so opinie oor sy keuses vir middagete nie. EFF – Everything For Free. Dit kan nie werk nie, was nog nooit suksesvol enige ander plek in die wêreld nie. Alles van waarde vra ‘n teenprestasie. ‘n “For Free” Graad gaan jou NIE uit armoede uit kry nie….harde werk gaan!! Die nuwe SA se probleem kan in een sin opgesom word: Hopeloos teveel mense kry hopeloos teveel geld vir hopeloos te min produktiwiteit….

Danie

Ek wil nou net weet, ek het n seun by Tukkies. Indien hy nie graad kry nou nie, wat gebeur met die geld wat ek betaal het vir die jaar? Dit sal beteken dat hy eers volgende semester kan klaarmaak. Gaan ek nou weer moet betaal vir die volgende semester? Is daar dalk ander ouers wat in dieselfde bootjie sit as ek??

Ahooy

Wat is fout met ons regstelsel? Hoekom moet die Polise daar wees as hulle nie mag optree nie, en wat is die doel dat hulle daar moet rondstaan en met klippe gegooi moet word?
Talle betogers/kriminele wat hofbevele oortree is al gearresteer en dan byna dadelik weer vrygelaat. Wat ek wil weet is: HOEVEEL van hierdie kriminele is al voor die hof gedaag en gevonnis.

boet

Dagvaar die Universiteit – kry ‘n goeie prokureur.
dit is die enigste uitweg. Dan sal die slapgat bestuur dalk bykom,. Hulle het nie ‘n dag se leierskap nie. Net rugraatloos sonder integriteit en akkomodeer die klipgooiers en brandstigters. Beste maatjies met hulle. Neem nie studente wat wil leer in ag nie. Hulle het alles respek verloor.