Wits swig dalk onder druk

Studentebetogings op die Wits-kampus (September 2016). Foto:@WitsSRC/Twitter

Studentebetogings op die Wits-kampus (September 2016). Foto:@WitsSRC/Twitter

Die Universiteit van die Witwatersrand (Wits) het Maandag gesê akademiese bedrywighede kan gekanselleer word indien die betogings voortduur.

“Ons kyk na wat vandag gebeur het. Talle personeellede is geïntimideer en gedreig en aangesê om hul kantore en die geboue te verlaat,” het Sherona Patel, woordvoerder van die universiteit, gesê. “Die bestuur besluit tans of akademiese bedrywighede more voortgaan.”

Betogende studente het Maandag gesê akademiese bedrywighede by die universiteit sal nie voortgaan totdat aan hul eis vir gratis onderrig voldoen word nie. Volgens Patel het die universiteit se bestuur oor die naweek met studenteverteenwoordigers vergader en ingestem dat Wits hul eis vir gratis onderrig ondersteun.

Intussen sal veiligheid Dinsdag opgeskerp word by Wits indien akademiese bedrywighede voortgaan. “Indien ons hierdie week verloor, sal die akademiese program in gedrang wees. Indien ons sluit, beteken dit die akademiese program vir 2016 sal nie voltooi kan word nie. 37 000 lewens is op die spel en sommige studente sal nie kan gradueer nie,” het Patel gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
popeye

“Dalk” is ‘n baie vae hoop op aannames….Vader wees ons genadig.

Alida

Roep vir Zuma hy het in sy onkunde beloftes gemaak nou haal dit hom in.

Milan

Die einde van wat eens ‘n dinamiese land was. Australië, Nieu-Seeland, Kanada en kie slaan weer munt uit die toevlug van ons akademici. Viva ANC, Viva.

Lance

Dalk maar beter so want dit is maar gevaarlik…dankie zuma net nogiets wat jy opgemors het

Johann Marx

As dit my universiteit was het ek hom toegesluit……en die sleutel weggegooi. Die nuwe Suid Afrika se sogenaamde reënboog-nasie: From UCT to Under a Tree……Bou Akademia sodat die Afrikaanssprekende blanke studente kan inskryf, hard werk, graad kry, en aan ‘n toekoms begin bou….waar die sertifikaat in jou hand iets beteken. Met “gratis” gaan ons binne 10 jaar 25 miljoen dokters in die land hê….maar elkeen gaan net een pasiënt hê. Of 55 miljoen Ingenieurs…en niemand om ‘n graaf op te tel nie.