Wits veroordeel haatspraak en rassisme teen studente

Die Universiteit van die Witwatersrand (Foto: Samuella99 via Wikimedia Commons)

Die Universiteit van die Witwatersrand (Foto: Samuella99 via Wikimedia Commons)

Die bestuur van die Universiteit van die Witwatersrand het Woensdag vermeende haatspraak en rassisme, wat die ronde doen op sosiale media, veroordeel.

“Die uitlatings deur die persoon is afskuwelik en ons sal alle klagtes in die verband ondersoek,” het senior uitvoerende beamptes van die universiteit in ʼn verklaring gesê.

ʼn Klankgreep word op sosiale media rondgestuur waar geweld teen wit studente aangehits word. Die persoon sê ʼn wit student moet eers sterf voor die #FeesMustFall-betoging ernstig opgeneem sal word.

“Moet asseblief nie meer hierdie klankgreep rondstuur nie. Die inligting is aan veiligheidsheidsbeamptes, regspanne en die polisie oorhandig en dit word ondersoek,” het die universiteit bygevoeg.

ʼn Groep studente het Woensdag saamgedrom tydens ʼn stille betoging ter ondersteuning dat die universiteit weer sy deure moet oopmaak. Die groep is as “wit bevoordeeldes” beskryf.

Die betogings, wat moontlik daartoe kan lei dat die universiteit sy deure moet sluit vir die res van die akademiese jaar, het meer as twee weke gelede begin nadat Blade Nzimande, minister van hoër onderwys, aangekondig het dat studentegelde in 2017 met ʼn maksimum van 8% sal verhoog.

Lees alle vorige berigte oor studentebetogings op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
J

Maybe must white tax fall!!!!!!!

PMB

Dit is net in Suid Afrika waar die wit man en vrou skuld moet dra vir alles!!!! Hierdie gemors is deur Zuma en sy trawante begin om stemme te werf. Hulle moet pa staan vir al die gemors. Hierdie is nie studente nie dit is kriminele!!!!

GES

Die verskil tussen ‘gratis’ en ‘verniet’ kan as volg verduidelik word: Vir sommige studente wat gratis opleiding eis sal dit alles verniet wees.

Sputnik

Goed gesê, GES. Al kry hulle dit gratis, sal dit vir baie puur verniet wees – ‘n totale vermorsing! As ek dink hoe ek feitlik geen klas misgeloop het nie!

Jakobus

Baie dankie Wits, ons waardeer dit baie, baie, opreg. Maar, kom vertel ons nou eerder in watter jaar dink julle julle sal die wil hê om die revolusie stop te laat sit dat daar met die klasse voortgegaan kan word?

Sal dit nie die beste wees as julle die universiteit in totaliteit toemaak nie? Vir altyd? Stel ‘n voorbeeld, maar is dit nie wat die revolusionêr wil hê nie?